Xikwembu Xi Kwihi?
September 11, 2001: Hi 8:46 nimixo, xihaha-mpfhuka xi hime xihondzo lexi nga en’walungwini wa World Trade Center le Dorobeni ra New York naswona lowu a ku ri nhlaselo wo sungula lowu a wu hleriwe hi ntlawa wa matherorisi. Endzhaku ka timinete ta 102, se a ku fe vanhu va kwalomu ka 3 000.
December 26, 2004
Ku tsekatseka lokukulu ka misava loku veke kona endzeni ka Lwandle-nkulu ra le Indiya loku pimiweke ku va 9,0 ku humese magandlati lama nga hlasela matiko ya 11 ku katsa ni man’wana ya laha Afrika, hambileswi mpfhuka wa kona wu endlaka kwalomu ka 5 000 wa tikhilomitara. Loko ri pela se a ku fe vanhu va 150 000, van’wana a va lahlekile naswona vanhu vo tlula miliyoni va sale va nga ri na makaya.
August 1, 2009: Wanuna wa malembe ya 42 a ri karhi a famba hi xithuthu xa le matini ni xifanyetana xakwe xa ntlhanu wa malembe loko va ta chayisa khumbi leri endliweke hi mapulanga leri nga ehlalukweni. Wanuna yoloye u fele kwalaho. Kambe n’wana wakwe u fe hi siku leri landzelaka. Xaka rakwe leri a ri tshikilelekile ri te: “A hi ri ni ntshembo wa leswaku ku ta endleka singita kutani a pona.”
Loko u hlaya hi ta nhlaselo wa matherorisi, timhangu ta ntumbuluko kumbe loko u weriwa hi makhombo, xana wa tivutisa loko Xikwembu xi swi vona leswi humelelaka? Xana u ehleketa leswaku a xi na mhaka na hina? Bibele yi hi nyika nhlamulo leyi chavelelaka, hilaha hi nga ta swi vona hakona exihlokweni lexi landzelaka.
[Laha Swifaniso Swi Humaka Kona eka tluka 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures