I Yini Leswi Bibele Yi Swi Vulaka?

Xana Xikwembu xa swi hlamula swikhongelo?

XANA U NGA KU XI HLAMULA SWIKHONGELO SWA . . .

Vanhu hinkwavo
Vanhu vo karhi
A xi swi hlamuli

LESWI BIBELE YI SWI VULAKA

“Yehovha u le kusuhi ni hinkwavo . . . lava n’wi vitanaka hi ntiyiso.”—Pisalema 145:18.

HI SWIHI SWIN’WANA LESWI HI NGA SWI DYONDZAKA EBIBELENI?

Xikwembu a xi swi hlamuli swikhongelo swa lava dyohaka hi vomu. (Esaya 1:15) Hambiswiritano, va nga ‘lulamisa timhaka’ na xona hi ku cinca ndlela leyi va hanyaka ha yona.—Esaya 1:18.
Leswaku Xikwembu xi hlamula xikhongelo, xikhongelo xexo xi fanele xi pfumelelana ni leswi Bibele yi swi dyondzisaka.—1 Yohane 5:14.

Xana loko hi khongela hi fanele hi tshama kumbe hi yima hi ndlela yo karhi?

VANHU VAN’WANA VA TSHEMBA leswaku va fanele va khinsama, va korhamisa nhloko kumbe va khomanisa swandla swa vona loko va khongela. Xana wena u ri yini?

LESWI BIBELE YI SWI VULAKA

Xikwembu xi yingise swikhongelo swa lava a va khongela va ‘tshame ehansi’, va ‘pavalarile’ kumbe va ‘nkhinsame hi matsolo.’ (1 Tikronika 17:16; 2 Tikronika 30:27; Ezra 10:1; Mintirho 9:40) A ku na nawu wa leswaku hi fanele hi khongela hi yimile kumbe hi tshamile.

I YINI SWIN’WANA LESWI HI NGA SWI DYONDZAKA EBIBELENI

Xikwembu xi hlamula swikhongelo swa lava titsongahataka.—Pisalema 138:6.
U nga khongela hi ririmi rin’wana ni rin’wana kumbe hi mbilu.—2 Tikronika 6:32, 33; Nehemiya 2:1-6.

Leswaku u kuma rungula leri engetelekeke, hlaya ndzima 17 eka buku leyi nge, Xana Bibele Yi Dyondzisa Yini Hakunene?, leyi kandziyisiweke hi Timbhoni ta Yehovha

Nakambe ya kumeka eka www.jw.org/ts