Xana Yesu A A Ri Munhu Lonene Ntsena?

Nhlamulo ya Bibele

Yesu a a nga ri munhu lonene ntsena. U tikombise a ri munhu loyi a susumeteleke vanhu vo tala swinene ematin’wini. Xiya leswi van’wamatimu ni vatsari lava va swi vuleke ha yena:

“Yesu wa Nazareta . . . a swi kanakanisi leswaku ku vulavuriwa ngopfu ha yena ematin’wini ku tlula vanhu hinkwavo.”—H. G. Wells, n’wamatimu wa Munghezi.

“Ku hava munhu ni un’we loyi a susumeteleke vanhu vo tala ematin’wini ku tlula [Yesu], loyi hambi ku ri sweswi a ha va susumetelaka.”—Kenneth Scott Latourette, n’wamatimu tlhelo mutsari wa Muamerika.

Bibele ya hlamusela leswaku ha yini Yesu a susumetele vanhu vo tala ku tlula vanhu van’wana lavanene lava tshameke va hanya. Loko Yesu a vutise vaapostola vakwe leswaku va ehleketa leswaku hi yena mani, un’wana wa vona u hlamule kahle a ku: “U Kreste, N’wana wa Xikwembu lexi hanyaka.”—Matewu 16:16.