Kuvangiwa Kala Ka Ntalo

Ma tile hi kwihi a matilo ni misava? Gi ntumbulukisile kuyini a gambo, a hweti ni tinyeleti, zinwe ni zilo zo tala laha misaveni? A Biblia gi nyika hlamulo wa lisine loku giku ngalo zi vangilwe hi Nungungulu. Hikwalaho a bhuku ga hina gi sangula hi mahungu ya Biblia ya kuvanga.

Hi gonza lezaku a zivangwa zo sangula za Nungungulu kuve vanhu va moya vo fana na yena. Kuve tingelosi. Kanilezi a misava yi vangelwe vanhu vo kota hina. Hi ndlela leyo Nungungulu i lo maha wanuna ni wasati va vitwako Adamu na Eva a va veka sinwini go saseka. Kanilezi vona a va ingisangi Nungungulu, hizalezo va lo luza fanelo ya ku simama va hanya.

Kusukela kuvangiweni ka Adamu kala ka Ntalo wa hombe, kuve kona 1.656 wa malembe. Nzeni ka xikhati lexo ku hanyile vanhu vanyingi vo biha. Le tilweni, ku wa hi kona vanhu va moya va nga wonekiko, Satani ni tingelosi ta yena to biha. Laha misaveni, i wa hi kona Kana ni vanwani vanhu vanyingi vo biha, a kupatsa ni vavanuna va ntamu wo hlamalisa. Kambe ku wa hi kona vanhu va nene laha misaveni — ⁠Abeli, Enoki na Noa. Lomu ka Xipanze xo SANGULA hi ta gonza hi vontlhe vanhu lavo ni lezi zi mahekileko xikhatini lexo.