Matirisela ya cibhukwana leci

Ka maphajina ma landzelako, u ta kuma mutsalo wu vekelweko a siku gin’we ni gin’wani zvin’we ni mitlhamuselo ya wona. Hambu lezvi a mutsalo ni mitlhamuselo ya kona zvi nga ha gondziwako ni ka cihi cikhati, a votala va zvi wona na zvi vhuna nguvhu a ku zvi gondza ni mixo. Hi ndlela leyo, va zvi kota ku zvi alakanyela kufambeni ka siku lego. A ku kambisisa a mutsalo kota ngango zva bhindzula nguvhu. A mingango ya Beteli misaveni yontlhe yi wu kambisisa hi cikhati ca zvifihlulo zva ni mixo.

A mitlhamuselo ya mitsalo leyo yi susiwa ka tindzima ta Murinzeli (w) ta ku sukela Abril wa 2016 kala Março wa 2017. A tinumero leti ti tako andzhako ka siku ga kuhumesiwa ka Murinzeli ti wula ku i ndzima ya wungani ya cigondzo hi kulandzelana ka tona ndzeni ka revhista lego (1, 2, 3, 4, kutani 5). Ti landzelwa hi tindzimana leti a mahungu lawo ma susiwako ka tona. (Wona a cikombiso ca kona lahasi.) A man’wani mahungu ma tlhamuselako mutsalo lowo ma kumeka ka ndzima ya kona ha yoce. Kasi ku tiva laha a ndzima yin’we ni yin’wani yi sangulelako kona, wona a kapa kutani phajina 2 ga Murinzeli wa kona.