A MURINZELI WA XIGONZO

TINZIMA TA XIGONZO

▪ Nyika nguvu lisima a matshamela ya Jehova

▪ Nyika lisima a kuhana ni kuolova ka Jehova

▪ Nyika lisima a kutsumbeka ni kutsetselela ka Jehova

A maKristu yo tala ma alakanya lezaku Jehova i na ni mune wa matshamela-tshinya. Kanilezi, a tinzima leti ta tinharu ti ta engetela a lisima leli hi nyikako a matshamela ya Jehova yo tala lawa ma nga gonziwiko hi kukhanzakanya. Ka tshamela ginwe ni ginwani, hi ta lava ku tiva a ku gi wula yini a tshamela lego, lezi Jehova a gi kombisisako zona, ni lezi hi nga mu pimanyisisako zona.

▪ Vumela lezaku a kulaya ka Jehova ku ku wumba

Na yi wulawula hi ndlela yo fananisa xungetano hi wuhosi ga Jehova hehla ka vanhu, a Mitsalo yi mu kumbuka kota “Muwumbi wa hina.” (Isa. 64:8) A nzima leyi yi komba lezi hi nga gonzako ka lezi a Muwumbi wa hina wa Hombe a wumbisileko zona vanhu ni matiko xikhatini xa kale. Yi wulawula kambe hi lezi hi nga vunekisako zona nyamutlha hi kuwumba kakwe.