Hikuyini u faneleko ku hlola a wukhongeli?

Hi nga ti alakanyela na u hi ni mababyi yo tshisa ma lavako lezaku u mahiwa operasawu. Lezo zi lava lezaku u tsumba khwatsi a dokodela wa kona, hakuva a wutomi ga wena gi tava mandleni yakwe. Xana zi wa nga tava wutlhari ku hlola a matirela yakwe?

Hi kufanana, wutlhari ku hlola a wukhongeli hi wukheta. Loku ku hi lezaku u lumba wukhongeli go kari, hi nga ha wula lezaku a wutomi ga wena ga moya gi mandleni ya wukhongeli lego. Lezo zi patsa a kuponiswa ka wena.

Jesu i hi nyikile tshinya ga nayo kasi ku hi vuna ku hlola a wukhongeli. I te ngalo: “A sinya yinwe ni yinwani yi tibyiwa hi mihanzu ya yona.” (Luka 6:44) Hi xikombiso, loku u cuwuka wukhongeli go kari, mihanzu muni u yi wonako? Xana a vafundisa va kona va wulawula ku hunza mpimo hi mali? Xana a ziro za wukhongeli lego zi hanya hi matshinya ya milayo ya Biblia xungetano hi yimpi ni mahanyela? Hi magumo, xana gi kona wukhongeli go tsumbeka? Ha ku ramba lezaku u wona a tinzima leti ti lanzelako.