MIHLAMULO YA BIBLIA
Hi vamani va toya tilweni, niku vaya va ya tira yini?
A vanhu vo tala va alakanya lezaku va ta ya hanya tilweni. Jesu i wulile lezaku a vapostoli vakwe vo tsumbeka va ta ya hanya kona. Na a nga sefa, i va tsumbisile ku ya va longiselela wutshamu zinwe ni Dadani wakwe wa le tilweni. — Gonza Johani 14:2.
Hikuyini a vanhu laha misaveni va to vuxiwa kasi ku ya hanya tilweni? Zini va yako va ya maha kwaseyo? Jesu i byelile a vapostoli vakwe lezaku va tava tihosi. Va ta fumela misava. — Gonza Luka 22:28-30; Kuvululelwa 5:10.
A vanhu vontlhe va mahako za zi nene va taya tilweni ke?
Matikweni yo tala vanhu va tsongwani ntsena va fumako. Kota lezi Jesu a to vuxa vanhu lezaku vaya tilweni kasi va ya fuma, ku rinzelwa lezaku a vanhu lavo vava va tsongwani. (Luka 12:32) A Biblia gi wula hi kukongoma lezaku vanhu vangani va to ya fuma zinwe na Jesu. — Gonza Kuvululelwa 14:1.
Jesu i va longisele wutshamu le tilweni a vapizani vo kari. Wa zi tiva ku vaya va ya tira yini?
A vanhu lavo va toya tilweni a hi vona voce va to chachazelwa. A vanhu vo tsumbeka lava va to rangelwa hi Mufumo wa Jesu va ta ti buza hi wutomi ga pinzukelwa paradiseni kwalaha misaveni. A vokari va ta pona a kulobyiswa ka tiko legi go biha va tekela ku nghena Paradiseni. A vanwani va ta ya hi ku vuxiwa hi ka vafileko. — Gonza Tisimu 37:29; Johani 5:28, 29.