“Xikhati Muni Nzi Faneleko Ku Hlaya?”

Xana wa tshuka u ti maha a xiwutiso lexo? A zileletelo zi wulawulako hi mhaka leyi zi kumeka ka bhuku Organizados, maphajina 86-87. Ka tshuka ku nyikiwa zileletelo zo engeteleka, zo khwatsi hi lezi zi nga ka Kwadru Ga Ziwutiso gi nga lomu ka Wutireli Ga Hina Ga Mufumo ga Setembro wa 2008. Kota lezi a ziyimo zi hambanahambanako, a hi nyikiwangi xaxameto wo leha wa mahlayela ya xikhati. Hikwalaho, a zi faneli lezaku a madota kutani vanwani vanhu va nyika zileletelo zo engeteleka.

Loku ku humelela xiwutiso, na ku nga hi na xileletelo xi tsalilweko xungetano hi mhaka leyo, a muhuweleli munwe ni munwani a nga ti wutisa lezi: A xikhati lexi nzi xi mbhetile ntirweni wa simu ntsena? Kutani nzi xi mbhetile na nzi maha zinwani zi nga yelaniko ni simu? Lezi hi zi tsalako lomu ka mubiko wa simu hweti ni hweti zi fanele ku hi nyika litsako na ku nga hi kuba ka livalo. (Miti. 23:1) Hakunene, a kuxuva ka hina ka hombe a hi ku lava ku tiva a ku xikhati muni hi faneleko ku xi hlaya, kanilezi ku bhinzulisa a xikhati xa hina hi ku hiseka wutirelini. — Maheb. 6:11.