Kucicanyana ka longoloko wa mitlhangano

Kusukela ka viki ga 3 ka Setembro, a Xigonzo xa Biblia xa Bandla xi tava ni 30 wa timeneti. Ka magezu yakwe yo ranga, a mufambisi i fanele ku mbheta meneti na a wulawula hi timhaka leti ti gonzilweko ka xigonzo xi hunzileko. A xikhati xa Mutlhangano wa Ntiro xonawu xi ta ciciwa xiva 30 wa timeneti. Ku nga ta hava ni xipanze xa zitiviso ntsena. Kanilezi, a xitiviso xihi ni xihi xi fanele ku mahiwa zalezo ku sangulako a xipanze xo ranga xa Mutlhangano wa Ntiro. A kutala ka zikhati, ku to mahiwa zitiviso zi tsongwani kutani ku nga mahi ni xinwe, niku a ku na xilaveko xa ku tivisa a zipanze lezi zi to lanzela. A zitiviso za ntiro wa simu, longoloko wa lava va basisako a Salawu ya Mufumo zinwe ni marungula a zi fanele ku mahiwa. (km 10/08 p. 1, nzi. 4) Loku ku hi ni xitiviso xo leha xi faneleko ku mahiwa, zi tava zi nene a ku lava va nga ni zipanze ka mutlhangano lowo va zi tiva na ka ha hi mahlweni kasi va hungula a xikhati lexi va nga fanele ku maha hi xona a zipanze zabye.