A vaswa va wutisa lezi — Nzi ta maha yini hi wutomi ga mina? (Xipanze 1)

Laha a vaswa va yako va kula, va fanele ku maha ziboho za lisima nguvu. Kasi ku va vuna ku maha lezo, ku longiselwe a vidiyu Os Jovens Perguntam  —  O Que Fazer da Minha Vida? Laha a vidiyu yi sangulako kona, hlawula laha va ngaku Iniciar o drama, kasi u hlamula a ziwutiso zi nga ka nzimana 2. Anzhako ka lezo, tlhela laha a vidiyu yi sangulako kona u ya nghena laha va ngaku Entrevistas, u gumesa u hlawula laha kaku Relembrando kasi u hlamula a ziwutiso zi nga ka nzimana 3.

Drama: (1) Xana a xiyimo xa Timote xi fanisa kuyini ni xa vaswa vo tala va maKristu nyamutlha? (2) Xana André i kucetelisilwe kuyini lezaku ava mutsutsumi wa hombe? (3) Zini lezi makabye Fleissig a nga byela André xungetano hi (a) kutinyiketela ka Jehova ni ka kutsutsuma? (Mat. 6:24) (b) lezi zi nyikako litsako la lisine? (c) lezi a ngelo wakwe lowu a nga wuya nawo hi le livaleni la xanisa wu nga mu alakanyisa? (d) vanhu lava a nga navo laha ka mufota zinwe ni sati wakwe? (e) kuva a cicile lezi a nga lava ku zi maha kusanguleni? (Fil. 3:8) (4) Xana a kokwani wa André i hlamulisile kuyini a xiwutiso xakwe xaku, “Xana zi bihile a ku nzi ti karatela kuva mutsutsumi wa hombe?” (Luka 4:5-7) (5) Xana André i kumile litsako la lisine a xikhati lexi a nga ganya ka mapalisana? (6) Xini xi ku tsakisileko ka papilo go gumesa legi makabye Fleissig a nga tsalela André? (Mav. 10:22) (7) Zini lezi makabye Fleissig a nga vuna André lezaku a zi tiva?

Relembrando: (8) Mitiro muni leyi a makabye wa xinuna ni wa xisati va nga ti nyiketela nguvu ka yona, niku hikuyini? (9) Va vile ni nduma yo kota kwihi? (10) Xini xi nga kuca munwe ni munwani wabye lezaku a cica wutomi gakwe? (2 Kor. 5:15) (11) Mitiro muni ya moya yi valetileko le’ya kale, niku hikuyini va wonileko lezaku a zi koteki ku maha yontlhe? (12) Xana va ti layile hi kuva va cicile lezi va nga zi rangisa wutomini gabye? (13) Zini va nga zi wula, lezi zi ku kucileko nguvu lezaku u alakanyela khwatsi hi lezi u to zi maha hi wutomi ga wena?

Hi kombela lezaku u hlalela a zipanze lezi zinwani za “entrevistas” ni “matéria adicional” kasi u zi kota ku nyika mihlamulo ka Mutlhangano wa Ntiro wa viki gi tako.