“Nzi tile laha hakuva . . . ”

Loku a venyi va miti va hi wona lomu mitini yabye, vona va nga ha karateka va lava ku tiva ku xana hi hina vamani niku hi lava yini ke. Hi nga wula yini ka xingheniso xa hina kasi a nwinyi wa muti a tizwa na a tlhatlhekile ke? Anzhako ka kuva va ambisile a mahungu, a vahuweleli vo kari va tolovela ku tirisa a gezu go kata legi, “hakuva” kasi ku tlhamusela xigelo xa kuva laho. Hi xikombiso, va nga ha wula lezi: “Hi ku enzele hakuva a kutala ka vaakelani va hina va karateka hi kota ya wugevenga. U alakanya lezaku . . . ” Kutani ku wula lezi: “Nzi tile laha hakuva nzi fambisa zigonzo za Biblia za mahala.” Loku zalezo u sangulako ku bhula naye a nwinyi wa muti a tekela ku zi tiva a ku hikuyini u nga laho, i ta byekelela ku ingisela lezi u lavako a ku mu bhulela.