A tindleve ta Jehova ti kangatele a mikhongelo ya valulamileko (1 Ped. 3:12) — A timhaka leti ti susilwe ka Anuário das Testemunhas de Jeová de 2013

Phajina 66 tinzimana 1-3 — Europa

I lo khongela a kombela ku vuna munhu

Irene, a hanyako le Suécia, i tsalile lezi: “Nzi na ni 80 wa malembe niku hi kota ya kubayisa ka ziro a nzi zi koti kuya sinwini. Nzi lo khongela ka Jehova nzi kombela ku vuna munhu nzi nga mu enzele kale loyi zalezi a tsakelako ku bhula kutani ku enzelwa.

“Ka siku go kari, a fone ya hina yi lo vitana, zonake a nuna wa mina a hlamula. Ku wa hi wasati wo kari loyi a ngaku: ‘Nzi tsetselele, kova nwina nwece nzi mu alakanyako. Hi xalexo xi nga nzi maha nzi mu fonela. Zi nga koteka ku a sati wa wena ata hi ta bhula hi Mhaka ya Nungungulu? Nzi wa gonza Biblia ka 15 kutani 20 wa malembe nzhako, kanilezi a nuna wa mina wo gumesa i wa nga zi lavi, hikwalaho nzi lo tsika ku gonza.’

“Nzi lo alakanya lezaku nzi wa enzele wasati loye na nzi hi ni makabye munwani, loyi a nga gonza naye. Lexi xi nga nzi hlamalisa nguvu hi lezaku a wasati loye i wa ha nzi alakanya. Nzi lo tsaka, nzi maha malulamiselo ya kuva nzi kumana naye. Kusukela kwalaho, hi gonza viki ni viki. I lota Xialakanyisweni ni ka kanelo yo hlawuleka. Wata mitlhanganweni kambe. Nzi bonga Jehova siku ni siku hi kuva a hlamulile mukhongelo wa mina.”