Tirisa jw.org wutirelini — “Maha munghana wa Jehova”

A xipanze “Ensinos bíblicos” lomu ka jw.org xi na ni wutshamu ga vanana gi vitwako “Torne-se amigo de Jeová” legi gi nga ni tisimu, tividiyu, ni maphepha ya xigonzo. Wa ma tirisa mahungu lawo wutirelini ga wena ke? Loku u gonza a Biblia ni mupswali a nga ni vanana va vatsongwani, hikuyini u nga mu kombiko mahungu lawo? Lezo zi nga ha mu kuca ku hlomela zipanze zinwani za site ya hina.

Na a hi tsimeni ga Mahungu ya Mufumo N.° 38, a makabye wo kari wa xinuna i lo kuma wasati loyi a nga amukela a xiphephana lexi, a tekela ku sangula ku xi lera. I wa hi ni zivanana zo tala zi nga navela ku wona a xiphephana lexo. A makabye loyi i lo mu tlhamusela hi kukomisa lezi zi nga ka xiphephana lexo a tlhela a mu komba a khero ga site ya hina gi nga seno nzhako ka xona. Kota lezi a wasati loyi a kombisileko kutsakela, i lo lonzowota ku mu komba zinwe ni vanana vakwe a yinwe ya tividiyu ta Kalebe, na a tirisa a muchini wakwe wa lomu mandleni.

A makabye wo kari wa xisati i lo bhula ni mutiri-kulobye a nga ni vana va vatsongwani, a wulawula hi site ya hina ni mahungu lawa yi nga nawo ya mingango. A wasati loye i lo nghena ka jw.org ni vana vakwe. Hi nzhako, i lo byela makabye wa hina lezaku a vana vakwe va wa renzelekela laha mutini na va yimbelela a lisimu “Pregue a palavra,” li nga linwe la tisimu ti nga ka xipanze “Torne-se amigo de Jeová.”

Gonza xipanze lexi xa jw.org u tlhela u chisa yinwe ya tividiyu, tisimu, kutani maphepha ya xigonzo u chela ka muchini wa wena wa lomu mandleni. Hi ndlela leyo, u ta tshama u longile ku tirisa xipanze lexi xa jw.org wutirelini. Hi nga wona a xivuno hi nyikwako hi xitiro lexi kasi ku tirela Hosi! — Miti. 20:19.