Zingheniso

Murinzeli wa 1 ka Outubro

“Hi kari hi komba vaakelane va hina a Murinzeli loyi wo tsakisa nguvu. [Mu kombe a kapa.] A vokari va alakanya lezaku a ku maha mukhongelo ku xakela xikhati, niku a wu zwiwi hi munhu. A vanwani va kholwa lezaku Nungungulu wazwa mikhongelo yabye. Wena ke, u zi wonisa kuyini? [Rinzela hlamulo.] Wona lezi a Biblia gi wulako hi mukhongelo. [Gonza Isaya 30:19.] A revista legi gi hi nyika zikombiso za lezaku Nungungulu wa ingisela a tlhela a hlamula mikhongelo yi mahiwako hi ndlela yi faneleko, na yi kombela zilo zi faneleko kambe.”

Despertai! ga Outubro

“Hi enzela a vaakelani va hina hi xikhati xo koma, hakuva a vo tala va ti wutisa lezaku hikuyini Nungungulu a vumelelako kuxaniseka. U alakanya ku a ku wutisa zilo lezo ka Nungungulu ku kala u nga hi na xichawo? [Rinzela hlamulo.] A wanuna wo lulama Joba i lo kombisa lezaku i wa xuva ku wutisa Nungungulu. [Gonza Joba 23:3-5.] A revista legi gi komba ziwutiso zinharu lezi a vanhu vo tala va navelako ku wutisa Nungungulu, loku vo nyikwa lungelo ga ku wutisa, gi tlhela gi komba a mihlamulo yo tsakisa leyi a Biblia gi yi nyikako.”