Tirisa khwatsi a mabhuku ya hina

Jesu i gonzisile lezi: “Mu amukele hi matsenya, nyikani hi matsenya.” (Mt 10:8) Hi namarela xileletelo lexo xo dlunyateka hi ku nga lonzi mali hi maBiblia ni mabhuku ya hina. (2 Kor 2:17) Hambulezo, a mabhuku lawa ma na ni lisine ya lisima nguvu yi nga ka Mhaka ya Nungungulu. Ku mahiwa mizamo ya hombe niku ku tirisiwa mali yo tala nguvu kasi ku gandla mabhuku lawo ni ku ma rumela mabandleni ma nga misaveni yontlhe. Hikwalaho, hi fanele ku teka ntsena mabhuku lawa hi to ma tirisa.

Hi fanele ku tirisa wutlhari a xikhati hi nyikelako mabhuku, hambu ka wukustumunyu ga laha kubaseni. (Mt 7:6) Wutshanwini ga ku nyika ni wihi munhu a hunzako, hi fanele ku ti karatela ku bhula navo kasi ku hi wona ku va tsakela futsi ke. U nga hlamula “ina” hi wutsongwani ga kona ka xinwe xa ziwutiso zi nga ka kwadru gi nga lahasi? Loku u nga zi koti ku pola kutsakela ka munhu, zi ngava chukwana ku mu nyika xiphephana. Kanilezi loku a kombela revista kutani bhuku ginwani, hi ta mu nyika hi matsenya. — Mav 3:27, 28.