Mahanyela ya wena ya ma nene ni cichavo ca hombe zva koka a timbilu

Zvikhati zvinyingi a vasati va nga makholwa va koka vanuna vabye vata lisineni hi kota ya mahanyela yabye ya wuKristu. Hambulezvo, lezvo zvi nga ha lava ku va timisela zvikarato hi malembe yo tala. (1Pe 2:21-23; 3:1, 2) Loko wena u xaniseka, simama ku hlula zva kubiha hi zva zvi nene. (Rom 12:21) Kuzvilava a cikombiso ca wena ca ci nene ci nga maha nuna wa wena a nghena lisineni.

Zama ku wona zvilo hi ndlela leyi a nuna kutani sati wa wena a zvi wonisako zvona. (Flp 2:3, 4) Komba kuzwela wusiwana ni wuxinji, u maha zvontlhe zvi nga ntan’wini wa wena kasi ku tatisa a wutihlamuleli ga wena hi ndlela yi faneleko. Ingisela khwatsi loku nuna kutani sati wa wena a kari a wulawula. (Jakobe 1:19) Kombisa lihlazva-mbilu, u tlhela u tiyisekisa nuna kutani sati wa wena lezvaku wa mu randza. Hambu loku a nuna kutani sati wa wena a nga ku kombi a wunene ni cichavo, tiyiseka lezvaku Jehovha wa ku wona a kutikarata ni kutsumbeka ka wena. — 1Pe 2:19, 20.

WONA A VHIDHYU JEHOVHA WA HI NYIKA NTAMU KASI HI LWISANA NI ZVIKARATO ZVA HINA, U GUMESA U HLAMULA A ZVIWUTISO LEZVI:

• Gi wa tshamisile kuyini a wutomi ga Grace Li na a ha hi ku chadha?

• Cini ci mu kucileko ku gondza a lisine la Bhibhiliya?

• Makabye Li i timiselisile kuyini a zvikarato a kumeneko nazvo andzhako ka loku a bhabhatisilwe?

• Zvini lezvi makabye Li a nga khongela hi zvona xungetano hi nuna wakwe?

• Hi wahi makatekwa lawa makabye Li a ma kumileko hi kota ya mahanyela yakwe ya ma nene ni cichavo cakwe ca hombe?