Jehovha wa vhikela a vanhu vakwe

A Phasika go sangula gi wa hi ga lisima nguvhu. Ka wusiku lego, laha Faro a nga pola lezvaku a n’wana wakwe wa matewula i file, i no byela Mosi aku: ‘Sukani mu huma lomu tikweni ga mina, n’wina ni vanana va ka Izrayeli, mu ya khozela Jehovha khwatsi hi lezvi mu wulileko.’ (Ek 12:31) Jehovha i kombile lezvaku wa vhikela a vanhu vakwe.

Loku hi cuwuka a matimu ya vanhu va Jehovha ya masikwini ya hina, hi zvi wona khwatsi lezvaku Jehovha wa ha simama ku rangela ni ku vhikela a vanhu vakwe. Lezvo zvi dlunyatiswa khwatsi ka Muzewu wa le tsindza ga misava yontlhe wu nga ni hloko mhaka yi nge: “Vanhu va vitaniwako hi vito ga Jehovha” (Hi ciNgiza).

WONA VHIDHIO KU WONA MUZEWU WA LE WARWICK, KA CIPANDZE: “VANHU VA VITANIWAKO HI VITO GA JEHOVHA”, U GUMESA U HLAMULA ZVIWUTISO LEZVI ZVI LANDZELAKO:

• 

  I nchumu muni wa wuswa lowu a zvigondzani zva Bhibhiliya zvi nga wu tirisa kusanguleni ka 1914 kasi ku vhuna vanhu lezvaku va tsumba Bhibhiliya niku kuve ni mabhindzu muni?

• 

  Zviringo muni zva kukholwa zvi humeleleko hi 1916 ni 1918? Zvini zvi nga komba ku Jehovha i wa kari a rangela hlengeletano yakwe?

• 

  A vanhu va Jehovha va simamisile kuyini va tiya kukholweni hambu loku va vhukelwa?

• 

  Kuzwisisa muni ka kuswa loku a vanhu va Jehovha va ku kumileko hi 1935, lezvo zvi va khumbisile kuyini?

• Loku ku hi lezvaku wa tshuka uya wu wona a muzewu lowu, zvini u zvi wonileko, lezvi zvi nga tiyisa a kukholwa ka wena ka lezvaku Jehovha wa rangela ni ku tiyisa a vanhu vakwe?