Nungungulu na Kristu va ta hi tlhatlhisa zvezvi

Zvikarato muni u lwisanako nazvo siku ni siku? U hloko ya ngango yi lwako ni mitiro yo tala? U mupswali u lwako ni ku wundla vana wece? U muswa a xanisiwako hi zvigondzani-kuloni le cikoleni? Wa xaniseka hi zvikarato zva kukhosahala kutani hi mababyi? Hontlheni hi lwisana ni cikarato co kari. A maKristu yo tala ma lwisana ni zvikarato zvo hlaya hi khati gin’we. Hambulezvo, ha zvi tiva lezvaku zvezvi Jehovha i ta hi tlhatlhisa ka zvikarato lezvo.—2 Kor. 4:16-18.

Kanilezvi zvezvi, ha chavelelwa hi ku tiva lezvaku Jehovha wa zvi zwisisa a zvikarato zva hina; wa tsaka hi ku hi wona na hi tsumbeka hi tlhela hi timisela, niku i hi vekele makatekwa yo tala. (Jer. 29:11, 12) Jesu yenawu wa khatala hi hina. Laha hi mahako ntiro wa hina kota maKristu, i hi tsumbisa lezvi: “Ndzi na n’wina.” (Mat. 28:20) Loku hi nyima hi ehleketa hi lezvi a Mufumo wa Nungungulu wu to hi tlhatlhisisa zvona, zvi tiyisa kutsumba ka hina hi tlhela hi ti yimisela ku simama hi timisela zvikarato hi kumako nazvo.—Rom. 8:19-21.

WONA A VHIDHIO KOTA LEZI KU TAKO BHUBHUTSA, VEKA KUPIMA KA WENA KA JESU!—MAKATEKWA LAWA MA TAKO YA MUFUMO, U GUMESA U HLAMULA A ZVIWUTISO LEZVI:

• Zvi mahisile kuyini a kuza a vanhu va tsawukana na Nungungulu, lezvo zvive ni wuyelo muni?

• Makatekwa muni va to ma kuma lava va tsumbekako ka Jehovha?

• Cini ci mahako ku zvi koteka a ku hi kuma makatekwa lawo?

• Makatekwa muni ma tsumbisilweko misaveni yiswa lawa u ma donelako mari?