Vaswa — va vhululeleni timbilu a vapswali va n’wina

Hikuyini u faneleko ku ti karatela ku va bhulela lezvi u zvi pimisako a vapswali va wena? (Mav. 23:26) Hi ku Jehovha i va nyikile ntiro wa ku ku hlayisa ni ku ku rangela. (Lis. 127:3, 4) Loku u nga va byeli lezvi zvi ku karatako ni lezvi zvi nga mbilwini ya wena zvi ta va karatela ku va ku vhuna. A cin’wani, u wa ta luza ku gondza ka lezvi vona va gondzileko wutomini gabye. Makunu, a ku zvi bihile a kuva ni cihundlana co kari? A hi contlhe cikhati zvi bihileko — loku u nga kala u nga hembeli vapswali va wena, u va fihlela zvilo va faneleko ku zvi tiva. — Mav. 3:32.

Makunu, u nga bhulisa kuyini ni vapswali va wena? Zama ku lava cikhati ca ci nene ka wena ni ka vona. Loku lezvo zvi karata, u nga tsala cipapilwana u va byela lezvi zvi nga mbilwini ya wena. Ahati loku va lava ku mu bhula hi zvilo zva ku wena a wu zvi lavi ku bhula hi zvona ke? Alakanya ku va lava ku ku vhuna. Va wone na mu bela ka ekipa yin’we, na va nga hi valala va wena. Loku u ti karata u bhula ni vapswali va wena, u va byela zvontlhe zvi nga mbilwini ya wena, zvi ta ku vhuna wutomini ga wena gontlhe — hi lisine, zvi ta ku vhuna kala kupindzuka! — Mav. 4:10-12.

SIXTIRA VHIDHIO A WUSWA GA MINA — NDZI NGA BHULISA KUYINI NI VAPSWALI VA MINA?, U GUMESA U HLAMULA ZVIWUTISO LEZVI:

• 

  Zvini lezvi Ester na Partik va nga zvi pola xungetano hi vona venyi?

• 

  Zvini u nga gondzako ka cikombiso ca Jesu?

• 

  A vapswali va wena va kombisa kuyini a ku va khatala hi wena?

• 

  Matshinya muni ya milayo ya Bhibhiliya ma nga ku vhunako ku bhula ni vapswali va wena?