Wa yi wona a mihlamulo ya mikhongelo ya wena ke?

A Bhibhiliya gi tele hi zvikombiso zva mikhongelo leyi Jehovha a yi hlamulileko. A cikhati leci a malandza ya Nungungulu ma nga wona lezvi Jehovha a nga ingiselisa zvona a kukarateka kabye a tlhela a va vhuna, handle ko kanakana zvi wa tiyisa nguvhu a kukholwa kabye. Hikwalaho, zvi nene nguvhu a ku hiva vo kongoma ka mikhongelo ya hina hi tlhela hi zama ku pola lezvi Jehovha a hlamulisako zvona. U nga rivali lezvaku a hlamulo wa Jehovha wu ngava wo hambana kutani wa ku hundza lezvi hi zvi kombelileko. (2 Kor. 12:7-9; Efe. 3:20) Zvini lezvi Jehovha a nga hi nyikako ka mihlamulo ya lezvi hi mu kombelako?

• A nga hi nyika ntamu, kurula kutani kukholwa kasi hi lwisana ni cikarato. — Filp. 4:13

• A nga hi nyika wutlhari kasi ku maha ciboho ca cinene. — Jak. 1:5

• A nga hi nyika a kuxuva ni ntamu wa ku maha cokari. — Filp. 2:13

• A nga hi nyika kurula loku hi karatekile. — Filp. 4:6, 7

• A nga tirisa vamakabye kasi va hi tiyisa ni ku hi chavelela. — 1 Joh. 3:17, 18

• A nga hi nyika civhuno hi ku tirisa lava hi va khongelelako. — Miti. 12:5, 11

SIXTIRA VHIDHIO JEHOVHA HI ‘LOYI A ZWAKO MIKHONGELO’, U GUMESA U HLAMULA ZVIWUTISO LEZVI:

• A matimu ya makabye Shimizu ma nga hi tiyisisa kuyini loku hi nga zvi koti ku maha zvotala hi kota ya mababyi?

• Hi nga ci pimanyisisa kuyini a cikombiso ca makabye Shimizu?