Xipanze 7

I wa hi mani Jesu?

Jehova i lo rumela Jesu misaveni. 1 Johani 4:9

Hi Jesu a wokweni ga xinene ga Nungungulu le tilweni

Loku hi lava ku tsakisa Jehova, hi fanele ku ingisa munwani munhu wa lisima. Xikhati xo leha mahlweni ka ku vanga Adamu, Jehova i vangile munhu wa moya wa ntamu le matilweni.

Hi Maria anga ni nyimba ni loku na a pswalile Jesu

Hi kufamba ka xikhati, Jehova i lo rumela n’wana loye lezaku a ta pswaliwa le Betlehema hi nhwana a vitwako Maria. A n’wana loye i lo chuliwa a ku hi Jesu. — Johani 6:38.

Kota munhu laha misaveni, Jesu i lo kombisa hi kumbhelela a matshamela ya Nungungulu. Yena i wa hi munhu wa mu nene, wa liranzo, a tlhela ava wo tshineleleka. Na a nga chavi nchumu, i gonzisile vanwani a lisine xungetano hi Jehova.

Jesu i mahile za zi nene kanilezi i lo vengiwa. 1 Pedro 2:21-24

Hi Jesu a vuxako a nhanyana a nga file a tlela a hanyisa wanuna a nga babya

Jesu kambe i lo hanyisa vababyi a tlhela a vuxa vanhu vo kari va nga file.

A varangeli va wukhongeli va vengile Jesu hi lezi a paluxileko a tigonzo tabye ta mawunwa ni mahanyela ya vona yo biha.

A varangeli va wukhongeli va lo kuca a vafumeli va vaRoma lezaku vaba Jesu va tlhela va mu daya.