U gi wonisa kuyini a Biblia?

LEZI A BIBLIA GI ZI WULAKO

‘Yontlhelele mitsalo yi pimisilwe hi Nungungulu.’ — 2 Timote 3:16.

MABHINZU U MA KUMAKO HI KU KHOLWA LEZAKU A BIBLIA I MHAKA YA NUNGUNGULU

U ta kuma mihlamulo yo tsakisa ya ziwutiso zi ku karatako nguvu wutomini. — Mavingu 2:1-5.

U ta kuma wurangeli go tsumbeka wutomini ga siku ni siku. — Tisimu 119:105.

U ta kuma kutsumba ko tiya xungetano hi wumanziko. — Va Le Roma 15:4.

XANA LEZI A BIBLIA GI ZI WULAKO ZA TSUMBEKA HAKUNENE?

Ina, hi zigelo zinharu hi wutsongwani ga kona:

• Gi na ni kuzwanana ko hlamalisa. A Biblia gi tsalilwe hi xikhati xa ku hunza 1.600 wa malembe hi xipimo xa 40 wa vanhu. A kutala ka vona a va zangi va tivana. Hambulezo, a zipanze zontlhe zi wumbako Biblia za zwanana, niku zi na ni hloko ya mhaka yinwe!

• Gi na ni matimu yo tsumbeka. A vatsali va matimu va tiko va tala ku fihla a zihoxo za vanhu vabye. Kuhambana ni lezo, a vatsali va Biblia va tsalile zihoxo zabye wutsumbu ni za tiko gabye na va nga fihli nchumu. — 2 Kronekele 36:15, 16; Tisimu 51:1-4.

• Gi na ni ziprofeto zo tsumbeka. A Biblia gi profetile a kulobyiswa ka doropa ga kale ga Babuloni na ka ha kiyela a xipimo xa 200 wa malembe. (Isaya 13:17-22) A gi kombangi ntsena a ndlela leyi Babuloni a nga wa tawa ha yona, kanilezi gi wulile ni vito ga hosi leyi yi nga wa ta gi khozisa! — Isaya 45:1-3.

  A zinwani ziprofeto zo tala za Biblia zi tatisekile hi kumbhelela. Xana a hi zona lezi hi nga wa ta zi rinzela ka Mhaka ya Nungungulu? — 2 Pedro 1:21.