Kombisa wunene

Zvini lezvi Jesu a nga maha?

VHIDHIO: Jesu a hanyisa wanuna wa cikhumu

1. Sixtira VHIDHIO, kutani lera Johani 9:1-7. Andzhako ka lezvo, ehleketa hi zviwutiso zvi landzelako:

1. Zvini lezvi Jesu a nga ranga hi zvona a maha — ku hanyisa a wanuna wa cikhumu kutani ku bhula naye hi mahungu ya manene ke? — Wona Johani 9:35-38.

2. Hikuyini a wanuna loye a nga ti yimisele ku ingisela Jesu?

Hi gondza yini ka cikombiso ca Jesu?

2. A vanhu va ta zvi lava ku ingisela mahungu ya hina loku va zvi wona ku ha khatala hi vona.

Pimanyisa Jesu

3. Zwisisa a ciyimo ca munhu. Zama ku alakanyela lezvi a ti zwisako zvona.

1. Ti wutise lezvi: ‘Zvini lezvi kuzvilava zvi mu karatako? Zvini zvi nga mu vhunako kutani zvi nga mu tsakisako?’ A ku maha lezvo zvi ta ku vhuna ku kombisa wunene hi ndlela ya ntumbuluko na u nga fayeliseli.

2. Komba ku wa khatala hi lezvi zvi nga zva lisima ka munhu loyi u bhulako naye hi ku mu ingisela. Loku a ku byela lezvi a ti zwisako zvona xungetano hi nchumu wo kari kutani a wula cikarato cakwe, u nga tsiki mhaka leyo u wulawula hi yin’wani.

4. Wulawula hi wunene ni cichavo. Loku u mu zwela wusiwana munhu ni loku hakunene u lava ku mu vhuna, zvi ta zwala hi lezvi u wulawulisako zvona. Hlawula khwatsi a magezu ni lezvi u ma wulisako zvona, niku potsa ku wula zvilo zvi nga khunguvanyisako.

5. Mu vhune. Hlota tindlela ta ku maha cokari kasi ku mu vhuna. A ku kombisa wunene zvi nga vhula ndlela ya ku sangula mabhulo xungetano hi Bhibhiliya.