KU HLAKULELA KUTSAKELA
CIGONDZO 9
Va zwele wusiwana
Tshinya ga nayo: “Tsakani ni lava va tsakako, mu rila ni lava va rilako.” — Rom. 12:15.
Zvini lezvi Jesu a nga maha?
1. Sixtira VHIDHIO, kutani lera Marku 6:30-34. Andzhako ka lezvo, ehleketa hi zviwutiso zvi landzelako:
Hikuyini Jesu ni vapostoli vakwe va nga lava ku “tshama voce”?
Cini ci kucileko Jesu a ku gondzisa citshungu?
Hi gondza yini ka cikombiso ca Jesu?
2. A kuzwela-wusiwana ku hi kuca ku gondzisa vanhu a mahungu ya manene ni ku lava ku va vhuna.
Pimanyisa Jesu
3. Mu ingisele khwatsi. Mu tsike a ti phofula. U nga mu tsemarisi kutani ku kombisa ku a wu khatali hi lezvi a ti zwisako zvona, hi lezvi zvi mu karatako kutani hi lezvi a kalako a nga zvi kholwi. Loku u mu ingisela khwatsi, u komba ku wa khatala hi lezvi a zvi pimisako.
4. Ehleketa hi loyi a tsakelako. Na u ti seketela ka lezvi mu sinako mu bhulile, ti wutise lezvi:
‘Hikuyini zvi lavekako ku azwa lisine?’
‘A ku gondza Bhibhiliya zvi ta gi chukwatisisa kuyini a wutomi gakwe zvezvi ni cikhatini ci tako?’
5. Bhula naye hi zvilo lezvi zvi nga mu vhunako. Loku zvi koteka, na ma ha sangula, mu kombe lezvi a kugondza Bhibhiliya zvi nga mu vhunisako zvona a ku kuma mihlamulo ya zviwutiso zvakwe ni lezvi zvi nga mu vhunisako zvona wutomini gakwe.