KU MAHA VAPIZANI
CIGONDZO 10
Ti yimisele ku vhuna vanhu lezvaku va maha vapizani
Tshinya ga nayo: “Hi wa longile ku mu nyika mahungu ya manene ya Nungungulu, na ku nga hi wona woce, kanilezvi ni ku ti nyikela wutsumbu ga hina hi kota ya n’wina hakuva hi no mu randza nguvhu.” — 1 Tes. 2:8.
Zvini lezvi Jesu a nga maha?
1. Sixtira VHIDHIO, kutani lera Johani 3:1, 2. Andzhako ka lezvo, ehleketa hi zviwutiso zvi landzelako:
Zvini lezvi kuzvilava zvi mahileko ku Nikodhemusi a hlawula kuya ka Jesu ni wusiku? — Wona Johani 12:42, 43.
A kuva Jesu a bhulile na Nikodhemusi na gi hi wusiku zvi kombisa kuyini ku i wa ti yimisele ku vhuna vanhu lezvaku va maha vapizani?
Hi gondza yini ka cikombiso ca Jesu?
2. Hi kombisa ku ha va randza vanhu hi ku ti yimisela ku va vhuna ku va maha vapizani.
Pimanyisa Jesu
3. Gondza ni munhu ka wutshamu ni cikhati ca cinene kakwe. A munhu a nga tshuka a hlawula ku gondza hi siku go kari go kongoma ga vhiki kutani hi cikhati co kari co kongoma laha ka siku. I tizwa a tlhatlhekile ku gondza laha a tirako kona, laha kaya kakwe kutani ka wutshamu gi talako ku hundza vanhu? Kala laha zvi kotekako, cica a longoloko wa wena kasi u kota ku gondza naye ka wutshamu ni cikhati ca cinene kakwe.
4. Gondzani hi kukhandzakanya. Loku ku hi ku u ta endza, u nga thindi cigondzo. Wutshan’wini ga lezvo, ehleketa hi zviwutiso zvo kota lezvi:
A ku ka vhiki lego u nga fambisa cigondzo leco ka gin’wani siku?
A ku u nga fambisa cigondzo leco hi fone kutani hi vídeoconferência?
U nga kombela muhuweleli mun’wani lezvaku a sala a fambisa a cigondzo leco?
5. Khongela kasi uva ni mawonela manene. Kombela Jehovha lezvaku a ku vhuna ku u nga tsukuli a cigondzani ca wena hambu loku ci ta ci thinda cigondzo kutani loku ci hlwela ku sangula ku hanya hi lezvi ci gondzako. (Filp. 2:13) Zvi nga maha a cigondzani ca wena na ci hi ni matshamela yo tala ya manene. Hikwalaho, kombela Nungungulu lezvaku a ku vhuna ku u veka kupima ka matshamela lawo.