Ndlela yo fambisa cigondzo ca Bhibhiliya hi ku tirisa a bhuku Ti buze hi wutomi kala kupindzuka!

Na mu nga seya gondza

1. 

   1. Ti longisele khwatsi. A cikhati leci u longiselako, ehleketa hi zvilaveko zva cigondzani ca wena, ni ciyimo ca cona, ni lezvi ci zvi kholwako. Zama ku ranga u alakanyela ku zvini zvi to karatela a cigondzani ca wena a ku zvi zwisisa kutani ku ci karatela ku hanya hi zvona. Alakanyela lezvi a mahungu ma nga ka cipandze ci nge “Gondza zvin’wani” ma nga ci vhunisako zvona a cigondzani ca wena, u tlhela u tshama u longile ku ma tirisa ni ka cihi cikhati ndzeni ka cigondzo, loku zvi tshuka zvi laveka.

Ndzeni ka cigondzo

1. 2. Sangulani a cigondzo hi mukhongelo mu tlhela mu vhala hi mukhongelo, loku a cigondzani ca wena ci vhumela.

2. 

   3. Ti wonele ku wulawula nguvhu. Veka kupima ka mahungu ma nga laha ka bhuku u tlhela u tsika a cigondzani ci ti phofula.

3. 4. A cikhati leci mu sangulako a cipandze ca ciswa ca bhuku, lera a mahungu ma tlhamuselako a kungo ga cipandze leco u tlhela u kumbuka a tihloko ta mhaka to kari ta zvigondzo zva cipandze leco.

4. 5. Laha mu gumesako a cipandze co kari, tirisa a zviwutiso zva kuvhuxeta kasi ku vhuna cigondzani ca wena a ku alakanya lezvi ci nga gondza.

5. 6. A cikhati leci mu kambisisako a cigondzo cin’we ni cin’wani ni cigondzani ca wena:

   1. Lerani maparagrafo.

   2. Lerani mitsalo yontlhe yi tsalilweko ku “Lera” kutani “Lerani”.

   3. Lerani a mitsalo yin’wani yi kumbukilweko, loku zvi laveka.

   4. 

      Sixtirani tontlhe tivhidhio ti tsalilweko ku “Bisani” (loku mu hi nato).

   5. Ci mahe ciwutiso cin’we ni cin’wani a cigondzani ca wena.

   6. Byela a cigondzani ca wena lezvaku ci wona a mufota wu nga ka cipandze “Gondza zvi eta” u tlhela u ci kombela ku ci wu tlhamusela.

   7. Tirisa a kwadru “Zama ku maha lezvi” kasi ku vhuna a cigondzani ca wena a ku hlola kukula ka cona hi tlhelo ga moya. Ci kuce ku ci tatisa mixuvo yi tsalilweko laho, ni ku ti vekela mixuvo yin’wani kutani ku maha zvontlhe zva zvimbiri.

   8. Wutisa a cigondzani ca wena a ku yi kona ndzima kutani vhidhio yi nga ci tsakisa nguvhu laha ka cipandze “Gondza zvin’wani” a cikhati leci a nga longisela a cigondzo leco.

   9. Zamani ku mbheta a cigondzo cin’we ni cin’wani hi khati gin’we.

Andzhako ka cigondzo

1. 

   7. Simama ku ehleketa hi cigondzani ca wena. Khongela ka Jehovha u kombela ku a katekisa a kukula ka cigondzani ca wena ni ku a ku nyika wutlhari kasi u tiva lezvi u nga ci vhunisako zvona.