BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • w13 15/8 p. 8
  • Ziwutiso za vagonzi

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • Ziwutiso za vagonzi
  • A Murinzeli I Huwelela a Mufumo Wa Jehova—2013
  • Mahungu yo yelana ni lawa
  • Xana hi fanele ku khomisa kuyini a munhu a susilweko bandleni?
    ‘Tshamani liranzweni la Nungungulu’
  • Randza nguvhu Jehovha a ku hundza maxaka ya wena
    Ntiro wa hina ni mahanyela ya wuKristu — Cibhukwana ca mutlhangano — 2020
  • Zvini u nga mahako loku a wokari u mu randzako a tsika ku tirela Jehovha
    A Murindzeli i huwelela a Mufumo wa Jehovha (Wa cigondzo)—2021
  • Hikuyini a kususa munhu bandleni ku nga lulamiselo ga liranzo?
    A Murinzeli I Huwelela a Mufumo Wa Jehova—2015
Wona zvinwani
A Murinzeli I Huwelela a Mufumo Wa Jehova—2013
w13 15/8 p. 8

ZIWUTISO ZA VAGONZI

Zi wa tava zi nene a kuva vapswali va maKristu va tshama ni nwanana a susilweko bandleni mitlhanganweni ya bandla?

A ku na xigelo xa ku karateka handle ka xigelo xungetano hi laha a munhu loyi a susilweko bandleni a tshamako kona lomu Salawini ya Mufumo. A revista legi ga ti karata nguvu kasi ku kuca vapswali va maKristu lezaku va nyika xivuno xa moya ka n’wana wabye a susilweko bandleni, loyi va ha hanyako naye laha kaya loku zi wonekisa ku khwatsi zi nene a ku maha lezo. Khwatsi hi lezi zi kombiwako ka A Sentinela ga 15 ka Novembro wa 1988, maphajina 19 ni 20, a vapswali va nga gonza Biblia ni nwanana a susilweko bandleni loyi va ha hanyako zinwe naye. Ku rinzelwa lezaku a nwanana loye i ta amukela a xivuno lexi xi lavekako kasi a lulamisa mahanyela yakwe.

Xungetano hi ko tshama kona lomu Salawini ya Mufumo, zi wonekisa ku khwatsi zi wa tava zi nene a kuva a nwanana loyi a susilweko bandleni yenawu a tshama hi kurula zinwe ni vapswali vakwe. Kota lezi ku nga hiko xileletelo xa lezaku loyi a susilweko bandleni a tshama ka xitshamu xa lenzhako lomu Salawini, a ku na nchumu wu beletelako lezaku a nwanana loyi a susilweko bandleni a tshama kusuhani ni vapswali vakwe loku a wutshamu gi enela. A xikhati lexi a vapswali va khatalelako a nwanana wabye hi tlhelo ga moya, handle ko kanakana va ta ti karatela ku a vuneka khwatsi hi mitlhangano. A ku tshama zinwe ni nwanana wabye wutshanwini ga ku mu tsika a ti tshamela yece ni kwihi a ku lavako, zi nga vuna nguvu mhakeni leyi.

Ahati loku a nwanana loyi a susilweko bandleni a nga ha hanyi ni vapswali vakwe ke? Xana zi wula lezaku a nga nge tshami ni vapswali vakwe? Ka xikhati xi hunzileko, a mabhuku ya hina ma wulile ziku dlunya lezi a muKristu a faneleko ku ti karatela ku maha xungetano hi kutitlhanganyisa ni xaka gi susilweko bandleni, na gi nga hanyi ka muti munwe zinwe naye.a Kanilezi, ku na ni kuhambana ka hombe xikari ka ku vumela munhu a susilweko bandleni lezaku a tshama kusuhani ni maxaka yakwe hi xikhati xa mitlhangano, ni ku hlota tindlela ta ku ti tlhanganyisa naye handle ka xigelo. Loku a ziro za ngango lezi zo tsumbeka zi yi tiva ndlela yo khoma a xaka gabye gi susilweko bandleni, ni kuva va ti karatela ku lanzela a xileletelo xa Biblia xungetano hi ku ti tlhanganyisa naye, zi wonekisa ku khwatsi ku wa nga tava ni xigelo xa kukarateka. — 1 Kor. 5:11, 13; 2 Joh. 11.

Kani a munhu loyi a susilweko bandleni i tshama kusuhani ni xaka gakwe, kani i tshama kusuhani ni xiro xinwani xa bandla, a nga kona a faneleko ku karateka. Lexi xi lavekako kuva a munhu loye a susilweko bandleni a tiva xiyimo xakwe. A ku beletela a munhu ko tshama kona ku nga pswala zikarato zo tala. Loku ku hi lezaku vontlhe va nga kona, a ku patsa ni maxaka lawa yo tsumbeka, va ti karatela ku kombisa xichawo ka matshinya ya milayo ya Biblia xungetano hi vanhu va susilweko bandleni, ni kuva zi nga khunguvanyisi vamakabye, a ku na xigelo xa ku vuxa timhaka xungetano hi laha lava va tako mitlhanganweni ya wuKristu va lavako ku tshama kona.

a Wona a bhuku Tshamani Liranzweni La Nungungulu, maphajina 207-209.

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela