BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • w13 1/12 p. 11
  • “Langutani nzi maha zilo zontlhe ziva ziswa”

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • “Langutani nzi maha zilo zontlhe ziva ziswa”
  • A Murinzeli I Huwelela a Mufumo Wa Jehova—2013
  • Mahungu yo yelana ni lawa
  • Gondza ka mihloti ya Jesu
    A Murindzeli i huwelela a Mufumo wa Jehovha (Wa cigondzo)—2022
  • A mihloti ya wena ya lisima ka Jehovha
    A Murindzeli i huwelela a Mufumo wa Jehovha (Wa cigondzo)—2024
  • Makatekwa muni ma to kumiwa hi lava va ingisako Nungungulu?
    Ingisa Nungungulu kasi u hanya kala kupinzuka
A Murinzeli I Huwelela a Mufumo Wa Jehova—2013
w13 1/12 p. 11

TSHINELA KA NUNGUNGULU

“Langutani nzi maha zilo zontlhe ziva ziswa”

Wa xuva kuva ni wutomi ga gi nene ni ku hanya masiku yo tala wena ni ngango wa wena ke? Xana wa zi xuva ku hanya misaveni yi nga hiko na kubayisa, kuxaniseka ni kufa? A zilo lezo a hi noro. Wutshanwini ga lezo, a misava leyo ya yiswa yo lulama yi tava kona lokuloku, hakuva Jehova Nungungu i tsumbisile lezo. Wona lezi a kutatiseka ka kungo gakwe ku tlhamuseliswako zona ka Kuvululelwa 21:3-5. — Gonza.

“[Nungungulu] i ta kulula mihloti yontlhe mahlweni yabye.” (Kuvululelwa 21:4) Mihloti muni a to yi kulula? A hi mihloti yo tsaka ge hambu mihloti leyi yi vikelako matihlo ya hina. A xitsumbiso xa Nungungulu xi wula mihloti leyi yi vangiwako hi kuxaniseka ni hlomulo. A kukulula loko a hi loku ka ku kulula hi mandla kutani nchumu wunwani, Nungungulu i ta kulula mihloti leyo hi ku va tlhatlhisa hi kumbhelela ka lezi zi mahako vanhu va rila — ku nga kuxaniseka ni kubayisa.

‘Ku nga ta hava kona kufa.’ (Kuvululelwa 21:4) Xana ku na ni nchumu wunwani wu hi mahako hi rila na hi nga zi lavi a ku hunza a nala wa hina kufa ke? Jehova i ta tlhatlhisa a vanhu va ingisako wukhumbini ga kufa. Hi ndlela muni? I ta maha lezo hi ku fuvisa a mutsu wa kufa — ku nga xionho lexi hi xi kumileko ka Adamu. (Va Le Roma 5:12) Jehova i ta maha vanhu vo ingisa lezaku vava vo mbhelela hi ku tirisa muphahlo wa kutirula wa Jesu.a Anzhako ka lezo, a kufa, kota nala wo gumesa, ku ta “lobyiswa.” (1 Va Le Korinte 15:26) Na ku nga hi lezo ntsena, a vanhu va ta zi kota ku hanya kota lezi Nungungulu a nga zi lavisile zona kusanguleni — ku nga ku hanya va ngafi na va hi ni wutomi ga gi nene.

‘Hambu kubayisa ku nga ta hava kona.’ (Kuvululelwa 21:4) Kubayisa muni ku to kala ku nga ha hi kona ke? A kuxaniseka kontlhe, ka mapimo, ka kutizwa, ni ka nyama loku ku vangiwako hi xionho ni kungambheleli, ku mahako vanhu va tsanza-vahlayi va hanya hlomulweni wa hombe nguvu, ku nga ta hava kona.

Lokuloku, a vanhu va ta hanya wutomi gi nga hiko na mihloti, kufa, ni kubayisa. Hambulezo, u nga ha wutisa aku: ‘Zi ta maheka kwihi zalezo?’ ‘Xana a xitsumbiso xa Nungungulu xi wulawula hi ku hanya tilweni?’ Ahihi. Wona a ku hikuyini ku nga hiko le tilweni. A xo ranga, hi lezaku a xitsumbiso lexi xi sangula hi magezu lawa: “A tabernakeli ga Nungungulu gi kona xikari ka vanhu.” Alakanya lezaku a vanhu va hanya laha misaveni. (Kuvululelwa 21:3) Xa wumbiri, a xitsumbiso lexi xi wula lezaku “ku nga ha ta va kona kufa” — zi kombako wutshamu legi ku tshukileko kuva kona kufa, kanilezi ku to kala ku nga ha hi kona. A kufa a ku se tshuka kuva kona le tilweni. Kanilezi, kale nguvu na ku hi kona laha misaveni. Hikwalaho, zi la su dlunya lezaku a xitsumbiso xa Nungungulu xungetano hi wutomi ga gi nene xi ta tatiseka kwalaha misaveni.

Nungungulu i ta pswhisa micongo ya mihloti leyi yi khulungako hi kota ya kuxaniseka ni kubayisa.

Jehova i lava lezaku hi kholwa a xitsumbiso xakwe xa ku i ta neha misava yiswa yo lulama. Anzhako ka ku wulawula hi makatekwa lawa ma ha tako, i tiyisa xitsumbiso xakwe hi magezu lawa: “Langutani nzi maha zilo zontlhe ziva ziswa.” Zonake a engeta aku: “Leti timhaka ti tsumbekile ti nene.” (Kuvululelwa 21:5) Hikuyini u nga gonziko zinwani xungetano hi lezi wena ni varanzekako va wena mu nga ti patsisako zona ni vakhozeli va Nungungulu vo tsaka lava va to wona a xitsumbiso xa Nungungulu na xi tatiseka ke?

Zipimo u kuciwako ku gonza hi Dezembro

1 Pedro 1-5; 2 Pedro 1-3; 1 Johani 1-5; 2 Johani 1-13; 3 Johani 1-14; Juda 1-25-Kuvululelwa 1-22

a Kasi ku kuma manwani mahungu xungetano hi nzhiho wa Kristu, wona a xipimo 5 xa bhuku Zini Lezi A Biblia Gi Zi Gonzisako Hakunene?, gi humesilweko hi Timboni ta Jehova.

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela