Hikuyini a vanhu va mahako mukhongelo?

Wa tolovela ku maha mukhongelo? A votala va maha, hambu lava va nga kholwiko ka Nungungulu. Kanilezi hikuyini a vanhu va mahako mikhongelo? A kambisiso wo kari le França wu kombile lezaku a khihlanya ga zisumbulwa za França a zikhati zinwani zi maha mukhongelo kutani ku ehleketa kasi ku “pepisa hloko ntsena.” A ku fana ni vahanyi vo tala va Europa, a va mahi mukhongelo kota xipanze xa wukhozeli. Va lava “a ntamu wa mukhongelo wa ku pepisa hloko.” A makholwa yo kari kambe ma maha mukhongelo ka Nungungulu ntsena loku ma hi kukaratekeni, na ma rinzela ku a zikombelo zabye zi tekela ku hlamulwa. — Isaya 26:16.

Wena ke? U alakanya ku a mukhongelo i ndlela ya ku wuyisa kupima ntsena? Loku u kholwa ka Nungungulu, xana wa wona a xivuno xa mukhongelo wutomini ga wena? Kutani u zi wonisa ku khwatsi a mikhongelo ya wena a yi hlamulwi? A Biblia gi nga ku vuna lezaku u nga woni mukhongelo kota muri, kanilezi kota ndlela yi nene ya ku tshinela ka Nungungulu.