MIHLAMULO YA BIBLIA
A vanana va nga gonzisa kuyini a ku ranza Nungungulu?
Tirisa zivangwa kasi ku vuna a vanana va wena lezaku va tiva va tlhela va ranza Nungungulu
A vanana va wena va nga gonza ku ranza Nungungulu ntsena loku va wona xitiyisekiso xa lezaku i kona ni ku wa va ranza. Kasi va mu ranza, a xo ranga va fanele ku mu tiva. (1 Johani 4:8) Hi xikombiso, va fanele ku tiva lezi: Gi wa hi gihi kungo ga Nungungulu a xikhati a nga vanga munhu? Hikuyini Nungungulu a tsikako kuxaniseka kuva kona? Zini lezi Nungungulu a to mahela vanhu xikhatini xi tako? — Gonza Va Le Filipi 1:9.
Kasi ku vuna a vanana va wena lezaku va ranza Nungungulu, u fanele ku komba kubaseni lezaku wa mu ranzawu. Loku va wona lezo, zi ta olova ku va lanzela xikombiso xa wena. — Gonza Deuteronome 6:5-7; Mavingu 22:6.
U nga khumbisa kuyini a mbilu ya vanana va wena?
A Mhaka ya Nungungulu yi na ni ntamu. (Maheberu 4:12) Hikwalaho vuna vanana va wena lezaku va tiva a tigonzo-tshinya ta Biblia. Kasi a khumba timbilu ta vanhu, Jesu i wa maha ziwutiso, a ingisela, a tlhela a tlhamusela Mitsalo. Kasi u khumba mbilu ya vanana va wena, u nga pimanyisa a magonzisela ya Jesu. — Gonza Luka 24:15-19, 27, 32.
Tlhatakumbiri, a matimu ya Biblia xungetano hi lezi Nungungulu a nga tirisanisa zona ni vanhu ma nga vuna vanana lezaku va tiva ni ku ranza Nungungulu. Lomu ka www.jw.org/tsc, ku na ni mabhuku ma mahelweko lezo. — Gonza 2 Timote 3:16.