Vahuweleli Va Mufumo Va Ranzekako:

Ha tsaka hi ku wona a kuanza ka ntiro lomu xipanzeni xa ravi ga Moçambique nzeni ka lembe ga ntiro ga 2007! Ka kanelo wa Xilalelo xa Hosi ku vile kona a ntsengo wa 225.538 wa vanhu, ku nga kuengetela ka 17 wa tipursento hehla ka ntsengo wa lembe gi hunzileko. Mu ta tsaka kambe hi ku tiva lezaku ku hangalasilwe a 1.053.607 wa tikopiya ta Mahungu ya Mufumo N.° 37, “A Kumbhela Ka Wukhongeli Ga Mawunwa Ku Laha Kusuhani!” lomu xipanzeni xontlhe xa ravi ga Moçambique.

Kusukela ka wugandli legi ga Setembro a Wutireli Ga Hina Ga Mufumo gi ta kumeka hi lirimi la Xitshwa. A vahuweleli va wulawulako lirimi leli va ta zi kota makunu a ku longisela ni ku vuneka nguvu hi Mutlhangano wa Ntiro. Hi kuengetela, a khati ni khati ku hunzako tihweti timbiri a “Kuvuxeta Ka Xikola Xa Wutireli Ga Nungungulu” ku tata zinwe ni Wutireli Ga Hina Ga Mufumo hi lirimi leli. Hi ndlela leyi, vontlhe va ta vuneka nguvu hi mitlhangano leyi.

Jehova kambe wa katekisa a xipanze xa lirimi la mawoko. Zalezi ku na ni mune wa mitlawa yi bikako a 23 wa vahuweleli, a 8 va bapatizilwe niku a 2 va tira kota maphayona ya xikhati xontlhe. Ngha hi maha zontlhe lezi hi zi kotako kasi ku hlota vanhu vanwani va ziwiri lomu xipanzeni xa hina.

A longoloko wa kuaka Masalawu ya Mufumo wonawu wuya mahlweni wu anza. Ku akilwe a 521 wa Masalawu ya Mufumo. Ha tsaka hi ku tira hi mbilu yinwe kota lezi a siku ga Jehova gi tshinelako. — Zef. 1:14.

Vamakabye va nwina,

Ravi Ga Moçambique