Lezi Hi Nga Zi Wulako Hi Marevista

A Sentinela ga 1 ka Outubro

“A votala inyamutlha a va ha kholwi ka Muvangi. Hi mawonela ya wena, xana lezo zi vangiwa hi yini? [Rinzela hlamulo.] A mavesi lawa ma komba a xinwe xa zigelo. [Gonza Habakuka 1:2, 3.] A nzima leyi ya vuna ku hlamula a ziwutiso zo kari zi mahiwako hi votala xungetano hi Nungungulu, lezi zi mahako lezaku a vanhu va nga ha kholwi ka yena.” Mu kombe a nzima leyi yi sangulako ka phajina 11.

Despertai! ga Outubro

“Xana wa vumela lezaku a mingango yi yimisana ni zikarato zo tala nguvu inyamutlha? [Rinzela hlamulo.] A votala a va gi tivi a wusungukati ga lisima gi nga lomu ka Biblia. Hi xikombiso, wona a wusungukati legi. [Gonza a mutsalo wu nga lomu ka revista.] A Despertai! legi go hlawuleka gi komba lezi a matshinya ya milayo ya Biblia ma nga vunisako zona a mingango lezaku yi yimisana khwatsi ni ziyimo zo tsalangana.”

A Sentinela ga 1 ka Novembro

“Hi mawonela ya wena, xana zontlhe lezi zi gonzisiwako tichechini zi kona lomu ka Biblia? [Rinzela hlamulo.] A Biblia ga hi tlharihisa lezaku hi ti wonela kasi hi nga khohliswi hi tigonzo ta mawunwa. [Gonza Va Le Kolosi 2:8.] A revista legi gi komba a ntlhanu wa tigonzo ni yinwe ti kholwiwako kusukela kale kanilezi ti nga zwananiko ni Mhaka ya Nungungulu.”

Despertai! ga Novembro

“A zitiro zo kota a telefone selulari ni komputadori zi hunzukile zilo zo toloveleka wutomini ga vanhu. Xana u alakanya lezaku a ku tirisa zilo za tekinolojiya za hlayisa xikhati kutani za mbheta xikhati? [Rinzela hlamulo.] A votala va vumela a magezu lawa ma kucako lezaku ngha a xikhati xi tiriswa khwatsi. [Gonza Va Le Efesusi 5:15, 16.] A revista legi gi wulawula hi lezi hi nga yi tirisisako zona a tekinolojiya hi ndlela yo ringanisela ni ya wukheta.”