Lezi Hi Nga Zi Wulako Hi Marevista

A Sentinela ga 1 ka Outubro

“A votala va ti wutisa lezaku xana Nungungulu wa ku wona a kukarateka ni kuxaniseka loku hi yimisanako nako ke. Ahati wena, u zi wonisa kuyini? [Rinzela hlamulo zonake u gonza Tisimu 34:18.] A nzima leyi yi sangulako ka phajina 19 yi wulawula hi lezi Nungungulu a hi vunisako zona ku hlula maalakanyo ya kubiha yo kota ku tizwa na u nga vuni nchumu, ku bayiseka ko hunza mpimo, ni ku tizwa nanzu wa hombe.”

Despertai! ga Outubro

“A vokari va alakanya lezaku Nungungulu i ntamu ntsena, a hi munhu. A vanwani ve ngalo munhu a nga ni kutizwa. Hi wahi a mawonela ya wena? [Rinzela hlamulo.] Hi nga wona a magezu lawa ma kokako kupima. [Gonza 1 Pedro 5:6, 7.] A nzima leyi yi sangulako ka phajina 29 yi hlamula a xiwutiso lexi hi ku tirisa a Biblia, Xana Nungungulu munhu wa lisine?”

A Sentinela ga 1 ka Novembro

“Hontlheni ha zi lava ku tizwa na hi xalele. Hi mawonela ya wena, xana hi fanele kuva ni mali kasi hi xalala? [Rinzela hlamulo.] A mutsali wo kari wa Biblia i lo gonza a ku xalala ka xikhati lexi a nga hi ni zitsongwani. [Gonza Va Le Filipi 4:11, 12.] A revista legi gi komba a ntlhanu wa zilo zi nga lomu ka Biblia lezi a munhu a faneleko ku zi maha kasi a xalala.”

Despertai! ga Novembro

“A vanhu vo kari va nga kholwiko ka Nungungulu va xungeta a zilo zo biha zi mahiwako vitweni ga Nungungulu vaku zi wa tava chukwana loku lomu tikweni ku wa nga hi na wukhongeli. U yi wonisa kuyini a mhaka leyi? [Rinzela hlamulo.] Lexi xinwe xa zigelo za kuva a wukhongeli ga mawunwa gi vanga kuxaniseka. [Gonza 2 Timote 4:3, 4.] A revista legi gi komba a zihoxo zo kari ka mapimisela ya lava va nga kholwiko a kuvakona ka Nungungulu.”