Kwadru Ga Ziwutiso

◼ Kala rini na ha ha gonza ni xigonzani xa Biblia lexi xi kulako hi tlhelo ga moya?

I chukwana a ku simama hi gonza ni xigonzani xa Biblia lexi xi kulako hi tlhelo ga moya kala a mbheta a mabhuku mambiri — Zini Lezi A Biblia Gi Zi Gonzisako Hakunene? ni ‘Tshamani Liranzweni La Nungungulu.’ Zi fanele kuva tano hambu loku a xigonzani xi bapatizwa na xi nga se mbheta a mabhuku lawa ya mambiri. Anzhako ka kubapatizwa kakwe, hi nga ha simama ku bika a xikhati, maenzo yo wuyela ni xigonzo. Loku a muhuweleli wo kari a tira na hina a tlhela a hlengela kufambiseni ka xigonzo, yenawu wa zi kota ku hlaya xikhati lexo. — Wona a Wutireli Ga Hina Ga Mufumo ga Março wa 2009, phajina 2.

Za lisima lezaku lava va ha hiko vaswa va zima mitsu zineneni na va nga se lumuliwa. Va fanele ku “zima mitsu” ka Kristu ni ku “tiyiswa kukholweni” kasi valwa ni minzhingo leyi va to yimisana nayo. (Kol. 2:6, 7; 2 Tim. 3:12; 1 Ped. 5:8, 9) Tlhatakumbiri, kasi va zi kota ku gonzisa khwatsi a vanwani, va fanele vava ni “kutiva ka zinene.” (1 Tim. 2:4) Loku hi mbheta a ku gonza a mabhuku lawa ya mambiri ni zigonzani za hina, hi va vuna a ku yima hi milenge yimbiri ‘ndleleni yi yako wutomini.’ — Mat. 7:14.

Na ma nga se vumelela munhu lezaku a bapatizwa, a madota ma fanele ku tiyiseka lezaku a xigonzani xa ti zwisisa khwatsi a tigonzo to sangula ta Biblia ni ku hanya hi tona. A madota ma fanele ku tlhariha nguvu loku ma kambela a xigonzani lexi xi kalako xi nga se mbheta a bhuku go sangula. Loku a nga se ringanelwa hi kubapatizwa, a madota ma fanele ku maha xo kari lezaku a vuniwa kasi a ringanelwa hi kubapatizwa xikhatini xi tako. — Wona a bhuku Organizados para Fazer a Vontade de Jeová, maphajina 217-218.

[Tlhamuselo wa mifota ka phajina 2]

Za lisima lezaku lava va ha hiko vaswa va zima mitsu zineneni