Va vune lezaku va “tiya kukholweni”

Za tsakisa ku wona lezi Jehova a katekisisako zona a bandla gakwe, laha a lembe ni lembe ku bapatizwako vanhu va ku hunza 250.000. (Deut. 28:2) A xikhati lexi a muhuweleli a vunako a xigonzani lezaku xi bapatizwa, a nga ha byekelela ku nyima ku gonza naxo zonake a veka kupima ka vanwani. A xigonzani xonawu xi nga ha byekelela ku nyima ku gonza lezaku xi mbheta xikhati xo tala kuxumayeleni. Hambulezo, za lisima lezaku a zigonzani za Biblia ziva ni xiseketelo xi nene xa lisine. Zi fanele ku “zima mitsu” ka Kristu zi tlhela zi “tiyiswa kukholweni.” (Kol. 2:6, 7; 2 Tim. 3:12) Hikwalaho, anzhako ka kuva a xigonzani xi bapatizwa, xi fanele ku simama ni xigonzo xa xona xa Biblia kala xi mbheta a bhuku A Biblia Gi Gonzisako ni ‘Liranzo La Nungungulu.’ — Wona a Wutireli ga hina ga Mufumo ga Abril wa 2011, phajina 2.