Ndlela Yi Nene Ya Ku Ti Buza Hi Tisimu Ta Mufumo

A malanza ya Nungungulu ma wona wucenje kota xinyikiwo xo saseka xa Jehova. (Jak. 1:17) A mabandla yo tala ma ti buza hi ku bisa Tisimu ta Mufumo ti zwalelako hasi mahlweni ni nzhako ka mitlhangano. A ku bisa tisimu ta hlengeletano i ndlela yi nene ya ku hi hoyozela mitlhanganweni. Zi hi vuna ku longisela a maalakanyo lezaku hi khozela. A ku hunza lezo, a ku bisa tisimu leti ta tiswa ta bhuku ga hina ga tisimu zi hi vuna a ku ti tiva hi tlhela hi ti yimbelela hi ndlela yi faneleko. Loku a wucenje lego gi bisiwa anzhako ka mitlhangano gi hlayisa moya wo tsakisa wa kuva hi ti buza zinwe ni vamakabye hi mabhulo ma tiyisako. Hikwalaho, a tihubye ta madota ti fanele ku maha malulamiselo ya lezaku ku bisiwa tisimu ta Cantemos a Jeová — Acompanhamento em Piano mahlweni ni nzhako ka mitlhangano. Va fanele ku tiyiseka lezaku a volume yi laha ka ku nene lezaku yi nga siveli a mabhulo.