Xana U Longile A Ku Yimbelela Ka Jehova Mitlhanganweni Ya Hina?

¹ A ku longisela a mitlhangano ya hina zi patsa ku longa a ku yimbelela a tisimu ta kudumisa. Wona a mawonela lawa ma lanzelako.

² Zwisisa A Magezu Ya Kona: A mutsalo lowu a lisimu li seketelwako ka wona zinwe ni yinwani mitsalo yi xaxametilweko magumo ka lisimu linwe ni linwani yi khanyisa lezaku a magezu ya lisimu ma seketelwe Mitsalweni.

³ Vuxeta: A xipanze xo kari xa Wukhozeli ga Ngango ga viki ni viki xi nga ha tiriselwa a ku vuxeta a tisimu tiswa. Yimbelelani na mu lanzela a wucenje ga tisimu leti ti to tiriswa ka mutlhangano wunwe ni wunwani. Ma zi kota a ku gonza a tinota ni magezu ya tisimu to kari ta tiswa hi ku ingisela a Cantemos a Jeová  —  Orquestra e Coral, CD 1.

⁴ Xana u tava u longile kumbheleni ka viki legi a xikhati lexi hi to sangula a ku tirisa a Cantemos a Jeová Xigonzweni xa A Sentinela? Hakunene u tava u longile loku u ti nyika xikhati xa ku zwisisa a magezu ya tisimu ni ku vuxeta hi ku ti yimbelela.