MAWONELA YA LEZVI U NGA GONDZISAKO ZVONA

Khoma tisimu ta hina hi hloko

“Ka masiku lawa ndzi ti zwako na ndzi nga vhuni nchumu, Jehovha wa ndzi tiyisa hi ku tirisa mimuzka ya JW Broadcasting^®.” — Lorraine, Estados Unidos da América.

A maKristu contlhe cikhati ma yimbelela tisimu ta ku dhumisa Nungungulu. (Kol. 3:16) Loku u tiva tisimu leto hi hloko, ti nga ku vhuna loku u nga hi na bhuku ga tisimu kutani muchini. Zama ku tirisa a mawonela lawa ma landzelako kasi ku ku vhuna ku khoma tisimu to kari hi hloko.

• Lera khwatsi a magezu ya tisimu kasi u zwisisa a tlhamuselo wa wona. Loku u zwisisa a tlhamuselo wa zvokari, zvi ta olova a ku u zvi alakanya. A magezu ya tisimu tontlhe ta hina, a ku patsa ni mimuzka ni mimuzka ya vanana, ma kona lomu ka jw.org. Famba laha hasi ka cipandze ca Biblioteca, u ya laha ka ku Muzka.

• Tsala a magezu ya tisimu laha ka phepha. Lezvo zvi ta ku vhuna ku u zvi alakanya. — Deut. 17:18.

• Yimbelela hi gezu go tlakuka. Lera kutani ku yimbelela hi kuphindaphinda.

• Wona lezvi u nga zvi khomisa zvona. Zama ku wula magezu ya lisimu na u nga ma woni ni ku tlhela u wona ku wa ma tiva khwatsi.