Kuengeteleka ka malungelo ya ku dumisa Jehova

1. I lulamiselo muni ga giswa gi to hi vuna ku mu “dumisa” nguvu Jehova?

¹ Hi Março loyi a nga hunza, ku sangulilwe lulamiselo giswa gi nyikako vahuweleli a lungelo ga ku teka wuphayona go vunetela hi 30 wa tihora ka tihweti ta Março ni Abril zinwe ni hweti leyi a bandla gi enzelwako hi muwoneleli wa xipanze. Loku a viki legi mu enzelwako hi muwoneleli wa xipanze gi khumba tihweti timbiri, a vahuweleli lava va kombelako wuphayona ga 30 wa tihora va nga ha hlawula a yinwe ya tihweti leto. A maphayona wontlhe yo vunetela ma nga ingisela a mutlhangano wontlhe lowu a wu mahako ni maphayona ya xikhati xontlhe zinwe ni yo hlawulela. Lezo zi komba ku hambu loku hi nga zi koti ku teka wuphayona ga 50 wa tihora, hi nga mu “dumisa” nguvu Jehova hi wuphayona go vunetela ga 30 wa tihora mune wa makhati hi lembe! — Tis. 109:30; 119:171.

2. Malungelo muni va to ma kuma lava va to teka wuphayona hi hweti leyi va enzelwako hi muwoneleli wa xipanze?

² Hweti hi enzelwako hi muwoneleli wa xipanze: Zalezi va tele nguvu va to zi kota ku teka wuphayona go vunetela ka hweti ya lienzo la muwoneleli wa xipanze va tlhela va tiyisana hi ku tira naye sinwini. (Rom. 1:11, 12) A maphayona yo tala yo vunetela kuzilava ma ta maha malulamiselo kasi ma kuma siku ga ku tira ni muwoneleli wa xipanze xikari ka viki. Lawa ma nga ni mitiro ya kutihanyisa xikari ka viki ma nga ha kombela ku tira naye hi Mulongiso kutani Sonto. A ku hunza lezo, a maphayona yo vunetela ma ta tiyiswa nguvu hi kuva kona ka mutlhangano wa maphayona ya xikhati xontlhe ni yo hlawuleka!

3. Hikuyini a nguva ya Xialakanyiso yi nga xikhati xa xi nene nguvu xa ku teka wuphayona go vunetela?

³ Hi Março ni Abril: Lava va nga lonzowota a lulamiselo legi ga kale ga ku teka wuphayona ga 30 wa tihora hweti yinwe nguveni ya Xialakanyiso, zalezi va nga engetela a “muphahlo [wabye] wa kubonga”! (Maheb. 13:15) Março ni Abril tihweti ta ti nene nguvu ta ku anzisa a wutireli ga hina kota maphayona yo vunetela. Lembe ni lembe, leti tihweti hi nga ni tsima go tsakisa nguvu ga ku ramba vanhu lezaku vava kona Xialakanyisweni. A ku hunza lezo, kota lezi a votala va engetelako wutireli gabye nguveni ya Xialakanyiso, hi nga zi kota ku tira ni vahuweleli vo hambanahambana. Anzhako ka Xialakanyiso, hi famba hi hlakulela a kutsakela ku kombisilweko hi lava va nga hi kona hi tlhela hi va maha va xuva nguvu kuzwa a kanelo yo hlawuleka. Xana a mbilu ya wena yi ta ku kuca ku lonzowota a malungelo lawa yo engeteleka kasi ku teka wuphayona go vunetela? — Luka 6:45.