A tsima ga zirambo za Xialakanyiso gi sangula hi 22 ka Março

A lembe legi, a tsima ga ku ramba vanhu lezaku vata Xialakanyisweni gi sangula hi Mulongiso wa 22 ka Março. Hontlheni ha kuciwa ku tira hi kuhiseka tsimeni lego. Kumbheleni ka viki hi ta nyikela ni marevista loku zi ringana. Ka Mulongiso wo sangula wa Abril, hi ta veka kupima kunyikeleni ka zirambo wutshanwini ga ku sangula zigonzo za Biblia. Hambulezo, loku hi kuma munhu a kombisako kutsakela ka hombe, hi nga ha zama ku sangula xigonzo xa Biblia. A muwoneleli wa ntiro i ta hlola a wona lezaku a ku nyikela zirambo lomu maruweni zi nga vuna bandla a ku eneta xipanze xa hombe ke. Tsala mavito ya maxaka, vatiri-kuloni, zigonzani-kuloni, lava u tolovelako ku va enzela, ni vanwani u tivanako navo lava u tsakelako ku va ramba u tlhela u ya va nyika xirambo loku a tsima gi sangula. Hi rinzela ku a vanhu vo tala vava na hina kualakanyeni ka zikombiso zimbiri za hombe za liranzo. — Joh. 3:16; 15:13.