Xirambo xo hlawuleka
1. Gi ta sangula rini a tsima go ramba ga migotsovanyano ya 2014?
1 Loku u kari u maha makungo ya ku longiselela zakuga zo hlawuleka a vanghana kutani maxaka ya wena, lezi zi lavako a kutikarata ni mali yo kari kasi ku zi longisela, kuzilava u wa ta va ramba hi kuhiseka ka hombe. Hi ndlela yo fana, ku ni ntiro wa hombe wa ku longisela mubuzo wa moya wa migotsovanyano ya muganga ni ya matiko manyingi ya 2014. Maviki manharu mahlweni ka gotsovanyano wa hina, hi tava ni lungelo ga ku ramba vanwani lezaku vava kona. Zini zi to hi vuna a ku nyikela xirambo hi kuhiseka?
2. Xini xi to hi kuca a ku hlengela hi ntamu wa hina wontlhe tsimeni ga ku ramba?
2 Hi ta kuceka ku hlengela hi ntamu wa hina wontlhe ka tsima legi loku hi alakanya lezi hina wutsumbu hi vunekisako zona hi mubuzo wa moya lowu Jehova a hi nyikako ka migotsovanyano ya hina. (Isa. 65:13, 14) Hi fanele ku alakanya kambe lezaku a tsima ga hina ga lembe ni lembe ga pswala mihanzu. A vanhu vo kari hi to va ramba hi tava navo gotsovanyanweni. Hambulezo, na ku ngayi hi ntsengo wa lava hi va rambileko la’va tova kona, a kutikarata ka hina xikhatini xa tsima ku ta dumisa Jehova ku tlhela ku komba a wuhana gakwe. — Tis. 145:3, 7; Kuv. 22:17.
3. Xana a zirambo zi ta nyikeliswa kuyini?
3 A hubye yinwe ni yinwani ya madota yi ta boha lezi a bandla gi to nyikelisa zona a xirambo lezaku gi avela xipanze xa hombe, ku nga hava ku siya xirambo mitini leyi ku nga hiko na munhu kutani ku xi nyikela ka wukustumunyu ga lomu maruweni lomu ka xipanze xa nwina. Kumbheleni ka viki xi nga ha nyikelwa zinwe ni marevista loku zi fanela. Loku a Mulongiso wo sangula wa hweti wu kotlana ni siku ga tsima, ku ta nyikiwa nguvu lisima a ku nyikelwa ka zirambo wutshanwini ga ku sangula zigonzo za Biblia. Loku hi gumesile tsima, hi nga alakanyela a litsako hi tova nalo hi ku tiva lezaku hi hlengele hi kuhiseka ni ku ngha hi rambile vanhu vo tala hi laha zi kotekileko hi kona lezaku va tava na hina mubuzweni lowu Jehova a hi maheleko!
[Kwadru ka phajina 9]
U ta wula yini?
Anzhako ka kulosana, u nga ha wula lezi: “Hi lomu ka tsima gi mahiwako misaveni yontlhe ga ku ramba vanhu ka ximaho xo hlawuleka nguvu.” A siku, xikhati, ni wutshamu zi tsalilwe kwalaha ka xirambo lexi.”