Zingheniso

Kasi ku sangula zigonzo za Biblia hi Mulongiso wo sangula wa Março

“Hi ku enzela hi xikhatanyana kasi ku bhula hi ximaho xo kari xi tova kona hi 14 ka Abril. I siku ga kufa ka Jesu. A vokari va ta maha xialakanyiso xa kufa ka Jesu hakuva va ku wona na ku hi ka lisima. A vanwani a va li woni a lisima la kufa kakwe. Wena ke, u alakanya ku a kufa ka Jesu ku na ni xivuno ka wena na mina?” Rinzela hlamulo. Mu kombe seno nzhako ka Murinzeli wa 1 ka Março, u kambisisa naye a mahungu ma nga hasi ka xiwutiso xo sangula ni mutsalo wunwe hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

A Murinzeli wa 1 ka Março

“A vanhu vo tala va ti wutisa ku hikuyini Nungungulu a kalako ku fuvisa wubihi ni kuxaniseka misaveni ke. Hi mawonela ya wena, o kala a nga khatali kutani o zi wona na zi hi zi nene lezaku a vanhu va xaniseka? [Rinzela hlamulo, zonake u gonza Johani 3:16.] A vanhu vo tala va tshaha vesi legi kasi ku komba lezaku Nungungulu wa khatala, kanilezi a va tiyiseki ku a kufa ka N’wana wa Nungungulu ka va vuna futsi. A revista legi gi komba lezi a kufa ka Jesu ku vululisako zona ndlela yaku a wubihi ni kuxaniseka zi mbhela.”

Despertai! ga Março

“Hi ku enzelenyene kasi ku ta tlhatlha a mawonela ya hava lawa a votala va nga nawo hi vesi legi ga Biblia. [Gonza Genesisi 1:1.] A vokari va kholwa ku a zilo zi no vangiwa, kanilezi a vanwani a va kholwi. Wena ke? [Rinzela hlamulo.] A votala, lexi xi va mahako zi va karatela ku kholwa ku a zilo zi no vangiwa hi lezaku a varangeli va wukhongeli va gonzisa zilo zaku a Biblia a gi wuli. A revista legi gi nyika a tlhamuselo wo zwala ni wo tsumbeka wa lezi a zilo zi nga sangulisa zona a kuva kona.”