Zingheniso

Tsima ga zirambo za Xialakanyiso

“Hi kari hi nyikela xirambo lexi xa ximaho xa lisima nguvu. Hi 3 ka Abril, a vanhu va timiliyoni misaveni yontlhe va ta tlhangana kasi ku alakanya a kufa ka Jesu Kristu ni ku ingisela kanelo ya mahala yi tlhamuselako lezi a kufa kakwe ku hi vunisako zona. A xirambo lexi xi komba a xikhati ni wutshamu ga mutlhangano lowu lomu xipanzeni xa hina.”

Murinzeli wa 1 ka Março

“3 ka Abril i siku ga kufa ka Jesu Kristu. A vokari xipanzeni xa hina va ta tlhangana ka siku legi kasi ku alakanya a ximaho lexi, kanilezi a vanwani a va li woni lisima la kufa ka Jesu. Hi wahi mawonela ya wena? U alakanya ku a kufa ka Jesu ni kuvuka kakwe za hi vuna? [Rinzela hlamulo.] Hi nga wona lezi a Mhaka ya Nungungulu yi wulako laha. [Gonza 1 Va Le Korinte 15:22, 26.] A revista legi gi komba lezi hi to vunekisa zona hi nzhiho wa Jesu xikhatini xi tako — gi komba lezaku kuta chikela siku ga ku a vanhu va nga hafi kambe.”

Despertai! ga Março

“Hi enzela vaakelane va hina kasi ku va komba a Despertai! ga hweti leyi. [Mu kombe a kapa.] A munhu ni munhu i na ni mawonela yakwe ka xiwutiso lexi xo sangula xaku: ‘Nungungulu i kona ke?’ Hi mawonela ya wena, hi mani a rinzelako zilo zo saseka xikhatini xa ha tako — hi lava va kholwako ka Nungungulu kutani hi lava va kalako va nga kholwi? [Rinzela hlamulo.] Hi nga wona xitsumbiso lexi xa Nungungulu xi mahako votala vava ni kutsumba. [Gonza Tisimu 37:10, 11.] A revista legi gi hi komba mune wa zigelo za kuva hi ti karatela ku tiva lezaku Nungungulu i kona ke.”