Zingheniso

Ka tsima ga zirambo za Xialakanyiso

“Hi kari hi nyikela xirambo lexi xa ximaho xa lisima nguvu. Hi 14 ka Abril, a timiliyoni ta vanhu misaveni yontlhe ti ta tlhangana kasi ti alakanya a kufa ka Jesu Kristu ni kuzwa kanelo ya mahala yi seketelwako ka Biblia yi to tlhamusela lezi a kufa kakwe ku hi vunisako zona. A xirambo lexi xi komba a wutshamu ni xikhati lexi a mutlhangano lowo wu to mahiwa hi xona lomu xipanzeni xa hina.”

A Murinzeli wa 1 ka Abril

“Hi ku enzela kutsongwani kasi ku ta bhula hi nchumu lowu a vanhu vo tala va wu mahako — ku nga mukhongelo. A kutala ka vanhu va maha mukhongelo, na ku nga khataliseki lezaku va wukhongeli muni. U alakanya ku Nungungulu wa hlamula mikhongelo, kutani u wona mukhongelo kota ndlela yo susa zikarato hlokweni ntsena? [Rinzela hlamulo.] Wona lezi a Biblia gi wulako xungetano hi mukhongelo. [Gonza 1 Johani 5:14.] A revista legi gi tlhamusela lezi a mikhongelo yi hi vunisako zona.”

Despertai! ga Abril

“Hi tela ku ta ku nyika xivuno xungetano hi xikarato xo kari xi yako xi woneka nguvu. A vokari va hluliwa hi zikarato zabye wutomini laha ko tlhela va navela ku ti sunga. Loku munhu a karatekile, u alakanya lezaku i tsakela kufa futsi, kutani o lava ku tlhatlheka kuxanisekeni loko? [Rinzela hlamulo.] Wona xitsumbiso lexi xa Biblia xi vunako votala a kuva va simama va hi ni mawonela ma nene. [Gonza Kuvululelwa 21:3, 4.] A revista legi gi tlhamusela zigelo zinharu zo zwala za kuva munhu a simama a hanya hambu loku a hi ni zikarato.”