MAHANYELA YA WUKRISTU

U nga rivakelwi ku khongelela maKristu lawa ma xanisekako

A Biblia gi profetile lezaku Satani i wa ta hi xanisa kasi ku zama ku hi tsanzekisa ntiro wa hina wo xumayela. (Jo 15:20; Kuv 12:17) Hi nga ma vunisa kuyini a maKristu-kulori lawa ma xanisekako ka matiko manwani? Hi nga ma khongelela. “A mukombelo wa munhu a lulamileko wa vuna nguvu.” — Jak 5:16.

Makabye a fasilweko tinghomondo a yiswako paxweni; ntlawa wa vamakabye; makabye a khongelako

Zini hi nga kombelako ka mukhongelo wa hina? Hi nga kombela Jehova lezaku a tiyisa vamakabye lavo ni ku va vuna lezaku va nga chavi. (Isa 41:10-13) Hi nga kombela kambe lezaku a wuhosi gi va tsika va maha ntiro wa kuxumayela, kasi “hi hanya khwatsi ni ku tshameka.” — 1 Ti 2:1, 2.

A xikhati lexi Paule na Pedro va nga valelwe, a maKristu ya zana go sangula ga malembe ma lo va khongelela na ma kumbuka mavito yabye. (Mit 12:5; Ro 15:30, 31) Hambu loku hi nga ma tivi mavito ya vamakabye lava va xanisiwako nyamutlha, a hi chukwana hi kumbuka mavito ya mabandla yabye, tiko gabye kutani doropa gabye ke?

Tsala mavito ya matiko lawa ku nga ni maKristu ma xanisiwako u lavako ku ma khongelela.