Ndlela yo tirisa a broxura — Hi Vamani va Mahako Kuranza ka Jehova Inyamutlha?

A broxura Hi Vamani va Mahako Kuranza ka Jehova Inyamutlha? gi mahelwe ku gonza ni zigonzani za Biblia kusanguleni kutani kugumeseni ka xigonzo xinwe ni xinwani.a A zigonzo 1 kala 4 zi vuna zigonzani lezaku zi hi tiva, a zigonzo 5 kala 14 zi va vuna ku tiva mitiro ya hina, a zigonzo 15 kala 28 zi va komba lezi a hlengeletano ya hina yi tirisako zona. Zi nene a ku kambisisa a zigonzo hi kuya hi lezi zi nga xaxametiswa zona loku ku nga hi na mhaka yo kari ya xihatla yi lavako ku kambisiswa. A xigonzo xinwe ni xinwani xi na ni mahungu yo ringana a phajina ginwe ntsena, niku ka zigonzani zo tala za koteka ku kambisisa a zigonzo lezo hi ntlhanu wa timeneti kuya ka khume ga tona.

• 

  Yisa kupima ka xiwutiso xa hloko ya mhaka ya xigonzo

• Lerani zinwe a tinzimana ta zigonzo, ku ngava kusanguleni kala magumo kutani hi zipanze

• Bhulani hi lezi mu lerileko. Zi lonzowoti khwatsi a ziwutiso zi nga magumo ka phajina ni mifota. Gonzani mu tlhela mu bhula hi mitsalo lomu zi lavekako. Dlunyatisa lezaku a zihlokwana za mhaka zi timisilweko zi hlamula a xiwutiso xa hloko ya mhaka.

• Loku ku hi ni kwadru “Tiva zinwani”, lerani zinwe u tlhela u kuca xigonzani xa wena lezaku xi lanzela a mawonela xi nyikwako laho