MAHANYELA YA WUKRISTU
Hi rini ndzi to tira kota phayona go vhunetela?
A muwoniso wa Ezekiyeli wu komba lezvaku a vanhu va Jehovha va wa ta maha minyikelo ya kuzvirandza. Hi nga vhunetelisa kuyini ntirweni wa ku maha miphahlo ya ku dhumisa? — Mah 13:15, 16.
A yin’we ya tindlela ta ti nene nguvhu ku tira kota phayona go vhunetela. A lembe ga ntiro ga 2018, gi na ni tihweti to tala ti nga ni 5 wa Milongiso ni 5 wa tiSoto. Lezvo zvi vhuna nguvhu lava va tirako ntiro wa cikhati contlhe ni lava va tirako nguvhu ntirweni wa kuchumayela kumbheleni ka vhiki. A cin’wani kambe, a vahuweleli va nga hlawula ku tira 30 wa tihora kutani 50 ka tihweti ta Março ni Abril ni ka hweti leyi a muwoneleli wa cipanze a endzelako bandla.
Ahati loku a ciyimo ca hina ci nga hi vhumeleli ku tira kota phayona go vhunetela? Hi nga ti karatela ku engetela a ntiro wa hina wa kuchumayela ni ku chukwatisa wutlhari ga hina ga ku chumayela. Kani hi ka ciyimo muni, a lirandzo la hina hi Jehovha a li hi kuce ku maha zvontlhe hi zvi kotako ka lembe ga ntiro ga 2018. — Ho 14:2.
Ndzi nga ku pimanyisisa kuyini a kuhiseka ka Sabina Hernández?
WONA VHIDHIYU — NDZA ZVI KOTA KU MAHA ZVILO ZVONTLHE HI KU VHUNIWA HI JEHOVHA, U GUMA U HLAMULA ZVIWUTISO LEZVI:
Zvini zvi kucileko Sabina lezvaku a maha zvo engeteleka ntirweni wa Jehovha?
A cikombiso ca Sabina ci ku kuca ku maha yini?
Ndzeni ka lembe ga ntiro ga 2018, hi yihi hweti u to tira kota phayona ga ku vhunetela?