Tolovela ku tshama ni lava va randzako Jehovha

Hikuyini hi faneleko ku tolovela ku tshama ni lava va randzako Jehovha? Hakuva a vanhu lava hi tolovelako ku tshama navo va nga hi vhuna ku maha zva zvi nene kutani ku hi kucetela ku maha zvo biha. (Mav 13:20) Hi cikombiso, hosi Jowaxi i mahile ‘kululama mahlweni ka Jehovha’ a cikhati leci a nga tshama nguvhu ni Mupristi wa Hombe Jehoyadha. (2Kr 24:2) Andzhako ka loku Jehoyadha a file, Jowaxi i no tsika Jehovha hi kota ya kutolovelana ni vakubiha. — 2Kr 24:17-19.

Ka zana ga malembe go sangula, mupostoli Pawule i fananisile a bandla ga wuKristu ni ‘yindlu ya hombe’, a zviro zva bandla a zvi fananisa ni “zvibya” zva laha mutini. Hi simama kuva “cibya ca ntiro wo dzundzeka” loku hi potsa ku maha wunghana ni loyi a mahako lezvi zvi zangarisako Jehovha, hambu loku a hi ciro ca ngango wa hina kutani ca bandla ga hina. (2Tm 2:20, 21) Hikwalaho, hi fanele ku simama ku maha vanghana va lava va randzako Jehovha ni lava va hi kucako ku mu tirela.

WONA A VHIDHYU GONDZA KU ALA KU TOLOVELANA NI VAKUBIHA, U GUMESA U HLAMULA A ZVIWUTISO LEZVI:

• Hi nga mbheta cikhati ni vanhu vakubiha na hi nga zvi poli hi ndlela muni?

• Ka vhidhyu leyi, cini ci vhunileko a maKristu manharu lezvaku ma tsema wunghana ni vanhu vo biha?

• Hi wahi matshinya ya milayo ya Bhibhiliya ma nga ku vhunako ku hlawula vanghana hi wutlhari?