U nga gondza yini ka mimuzka ya hlengeletano?

Hi yihi mimuzka yo kari yi ku tsakisako? Hikuyini? U zvi wonile ku a tivhidhyu leto ti wulawula hi zvilo zvi humelelako siku ni siku? Kota lezvi a tihloko mhaka ni matshamela ya mimuzka ya hlengeletano yi nga hambanahambana, hontlheni ku ni leti ti hi tsakisako hi kuya hi lezvi hi zvi randzako. Hambulezvo, a mimuzka ya hlengeletano ni tivhidhyu zva hundza kuva zvihungato basi.

A muzka wun’we ni wun’wani wa hi gondzisa ku tirisa lezvi hi zvi gondzako ka mutlhangano wa ntiro wa hina ni mahanyela ya wuKristu. A yin’wani mimuzka yi veka kupima ka tindlela to rurela vapfhumba, kuva ni kuzwanana, ku maha wunghana, kuva ni kutiya-hlanha, ku kombisa lirandzo kutani kuva ni kukholwa. A tin’wani ti yelana ni ku tlhelela ka Jehovha, ku kombisa kutsetselela, ku simama hiva vo tsumbeka siku ni siku ni ku va ni mixuvo ya moya. Ku na ni muzka wun’wani wu wulawulako hi ku ringanisela a cikhati hi tirisako a telefone. Hi zvihi zvigondzo zvin’wani u zvi kumileko ka mimuzka ya hlengeletano?

WONA VHIDHYU A MAKATEKWA MA KWALAHA TLHELWENI, U GUMESA U LHAMULA ZVIWUTISO LEZVI:

• Makatekwa muni ma rindzelwako hi patswa lowu khosaheleko? — Gen 12:3

• Hi nga tiyisisa kuyini kukholwa ka hina xungetano hi wutlhari ga Jehovha ka ku tatisa zvitsumbiso zvakwe?

• Litsako muni hi tova nayo laha hi tivako lezvaku a vafileko va ta vhuxiwa lokuloku?

• A kutsumba loku hi nga nako ku hi vhunisa kuyini a ku yimisana ni mindzhingo ka cikhati leci? — Rom 8:25